Want arnt van hove als geleydt nae des(er) stad recht voir/ zijn wettich gebreck uuyt crachte van seke(re)n scepen(en) brieve(n)/ van loven(e) tot allen den goeden beyde have en(de) erve/ eemonts wilen roelants soe wair die gelegen hem/ met eene(n) open(en) placcate gescreve(n) aen alle officie(re)n/ alle de selve goede heeft doen leve(re)n en(de) die peyslijc/ volghen ende oft de lodewijck van mairbeke als/ man en(de) mo(m)boir der weduwe(n) wilen was des voirs(creven) wilen/ eemonts tegen de voirs(creven) scepen(en) brieve(n) yet seggen oft/ allege(re)n wilde dat hij des quame tot eene(n) seke(re)n/ daghe van rechte mits v(er)strijkenisse op heden dyenen(de)
//
alhier inde banc voir meye(re) en(de) scepen(en) van loven(e) ald(air)/ hij noch nyema(n)t van zijne(n) wegen comen en es den voirs(creven)/ janne de hont als p(ro)cur(eur) des voirs(creven) arnts altijt co(m)pare(re)nde/ en(de) trecht voirt versueken(de) Soe hebben de scepen(en) van/ loven(e) yerst aengehoirt woute(re)n boenrode bode des(er) stad/ die cleerde bij zijne(n) eede dat dofficie(re)n van lynden en(de)/ guttekem dexecucie en(de) exployt naevolgen(de) den voirs(creven)/ scriven(e) gedaen hadden en(de) p(ar)tien dach besceyden ter/ manissen smeyers gewijst voir een vo(n)nisse soe v(er)re/ de voirs(creven) lodewijck niet en quame ten opstaen(e) smeyers/ en(de) van hen scepen(en) datmen den voirs(creven) geleydden vand(en)/ voirs(creven) goeden houden sal in zijne(n) voirs(creven) beleyde ende/ scepen(en) brieve(n) tot zijne(n) wettige(n) gebreke behoef alsoe/ v(er)re alst noch voir hen scepen(en) comen is Coram o(mn)ibus/ dempt(is) berghe scoonvorst maii xx