Want meest(er) jan mota als geleydt nae des(er) stad recht voir/ zijn wettich gebreck uuyt crachte van scepen(en) brieve(n)/ van loven(e) tot allen den goede(n) beyde have en(de) erve des/ voirs(creven) wilen eemo(n)ts soe wair die gelegen zijn hem/ met janne marissens vorste(r) ons gened(ichs) hee(re)n van des(er)/ stad alle deselve goede heeft doen leve(re)n en(de) den lodewijcke/ van mairbeke dach van rechte mits v(er)strijkenisse op/ heden dyenen(de) oft hij tegen de voirs(creven) leveri(n)ge yet hadde/ willen allege(re)n doen besceyden tot welken daghe/ de voirs(creven) lodewijck noch nyema(n)t van zijne(n) wegen/ geco(m)pareert en es ja(n)nese heyms p(ro)cur(eur) des voirs(creven) meest(er)/ jans co(m)pare(re)nde en(de) trecht voirt versueken(de) Soe hebben/ de scepen(en) van loven(e) yerst aengehoirt den voirs(creven) ja(n)ne marisse(n)s/ die cleerde bij zijne(n) eede dexployt en(de) dexecucie bij/ hem gedaen te zijne [en] gewesen voir een vo(n)nisse datme(n)/ den voirs(creven) geleydden vanden voirs(creven) goeden houden soude/ in zijne(n) voirs(creven) beleyde en(de) scepen(en) brieve(n) tot zijne(n)/ wettige(n) gebreke behoef alsoe v(er)re alst noch voir hen/ scepen(en) comen is Coram eisd(em)