Nae dien dat gheert de ruwe van ghindt heeft willen/ procede(re)n met zijnen thoene tegen bertelmeeuse de ruyssche en(de)/ doen lesen zijn int(er)rogotarien dairmede onder den ande(re)n de selve/ gheert hem v(er)mat te thoenen hoe anthonijs meys de voirs(creven) bartel(meeuse)/ en(de) reyne(re) vand(en) putte doen t(er)tijt alse hij tcoren ontfinck dair van/ vand(en) pe(n)ni(n)gen tusschen hen questie es en(de) alst hij gheert d(air)af/ de pe(n)ni(n)ge overleverde den selven reyne(re)n tsamen deylden in/ come(n)scapen besundert van corene en(de) dat anthonijs ontfanger/ was tusschen hen vand(en) pe(n)ni(n)gen en(de) dat hij gheert doverleveri(n)ge/ van dien gedaen hadde aen reyne(re) met bertel(meeus) consente (et)c(etera)/ Soe heeft de voirs(creven) bartel(meeus) opgedaen en(de) hem v(er)meten te thoenen/ dat de voirs(creven) anthonijs reyne(r) en(de) bertelmeeus va(n) malcande(re)n/ wel twee oft drie maenden gescheyden hadden geweest eer/ de hanteringe van des(en) namelijken corene dair de questie/ vand(en) pe(n)ni(n)gen nu af es gebuerde Dwelc aldus gedaen zijnde/ heeft den raidt vand(er) stadt p(ar)tien uutgesproken dat elke vand(er)/ p(ar)tien van sijne(n) v(er)mete soude doen blijken en(de) dae(re)ntynen recht/ in co(n)silio opidi ja(nua)[rii] ulti(m)a