Achtervolgende der submissien voir scepen(en) van loeven(e) geschiet/ januarii xxiii lestleden tusschen henr(icke) va(n) heelen ter eender/ en(de) henr(icke) crabbe ter ande(re) aengaen(de) hue(re)n geschillen die zij hebben/ om der aamoelen wille die de voirs(creven) hen(rick) crabbe in hueri(n)gen/ hult d(air)af de voirs(creven) va(n) heelen mede inne deylt en(de) steet int/ vie(re)ndeel van dier Ende ierst alse vand(en) eene(n) halster core(n)s/ alle weken va(n) s(in)[t] jansmisse tot kersmisse beyde lestleden die/ de voirs(creven) heelen den voirs(creven) crabbe eyschte als mededeylde(r) voirs(creven)/ vanden halve(n) mudde core(n)s dat de twee peerden aldair alle/ weeken gewonnen hadden en(de) des voirt dien ae(n)cleeft es duytspr(ra)ke/ vand(en) seggers Te weten(e) van jacoppe vand(er) biest gheerde de/ draye(re) willem(me) van bruessele en(de) willem(me) de loyse(re) ierst wair/ de voirs(creven) crabbe bewijst soe hij dat p(rese)nteert te doen(e) dat de/ voirs(creven) henr(ick) va(n) heelen te vreden soude hebben geweest/ dat hij dair af niet hebben en soude dat dan de selve van/ heelen d(air)af niet hebben en sal anders sal henr(ick) crabbe hem/ d(air)af genoech doen behalven dat ter ande(r) zijden de selve van/ heelen des voirs(creven) crabs moet hebbe in redelich(eyt) vanden vie(re)ndeele/ in tghene des die twee p(eer)den costen en(de) dat den selven van/ heelen thue(re)n afscheyden(e) weder goetgedaen wordt tvie(r)endeel/ van dat die twee peerden alsdan weert zijn selen moegen/ En(de) aengaen(de) den selven halster corens alle weeken van/ kersmisse lestleden voirtane tot s(in)[t] jansmisse toe naestcomen(de)/ alst voir tvie(re)ndeel vand(en) wy(n)ni(n)gen van dien twee peerden/ dat sal dien selven tijt due(re)nde den selve(n) van heelen alle/ weeken volgen op in dien dat hij des voirs(creven) crabs moet crighe/ in redelicheyden vand(en) vie(re)ndeel van tghene des de twee p(eer)de/ gecost moegen hebben op dat hij die gelijc vo(r)e uut saken vand(en)/ yersten pointe voirs(creven) niet gehadt en hadde It(em) aengaen(de) den/ proffijten en(de) wy(n)ningen vand(en) voirs(creven) moelen die sal van weeken/ te weeken tusschen den voirs(creven) crabbe ter eender en(de) henr(icke) va(n) heelen/ ter ande(re) gedeylt wordden en(de) d(air)af sal henr(ick) crabbe trecken/ de drie vie(re)ndeel en(de) betalen d(air)af zijn knapen die hij va(n) zijnder/ hant dair gesedt en(de) gehuert sal hebben van des hij met hen/ overcomen sal zijn en(de) de voirs(creven) van heelen sal d(air)af trecken tvie(re)ndeel/ en(de) betalen d(air)af hem selven oft op dat hijse bedient oft alsulken
//
knape als hij dair van zijnder hant gestelt sal hebben van/ des hij met he(n) overcomen es Oec sal de selve van heelen/ selve met zijne(n) wive moegen comen woenen inde moelen/ en(de) hebben redelijc gebruyc inde selve van zijne(n) vie(re)ndeele/ en(de) aengaen(de) der lossingen die henr(ick) crabbe als borge des voirs(creven)/ van heelen voir tvie(re)ndeel vand(en) voirs(creven) moelen begheert te/ geschien oft dair af zijn recht met zijne(n) scepen(en) brieve(n) van/ loeven(e) te moegen v(er)volgen d(air)af es hue(r) uutsprake dat de selve/ va(n) heelen sculdich sal zijn den selven crabbe d(air)af gehelijc te/ lossen met goeden borghen oft anderssins alsoe dat de selve crabbe/ d(air)af niet gepraemt en wordde oft de selve hen(rick) crabbe/ sal dair af moegen zijn recht vorde(re)n van zijne(n) scepen(en) brieven/ om dair toe te comen Oic sal henr(ick) crabbe draghen de drie/ vie(re)ndeel en(de) henr(ick) van heelen dleste vie(re)ndeel van allen en(de)/ yegewelken lasten vand(er) selver moelen en(de) des dair aencleeft/ alsoe wel thoy voirt des der moelen aencleeft als anders/ die de molde(r) nae begrijp der pechtingen sculdich es te draghen/ cor(am) roelants hoelair febr(uarii) iiii