It(em) den voirs(creven) brief es bekint den voirs(creven) hee(re)n arnde te dier/ meyni(n)gen dat hij terstont nae hue(r) doot hem sal moeghen/ doen leyden tot allen den goeden beyde have en(de) erve der voirs(creven) yden/ vaerma(n)s wair die belegen zijn behalven tot eene(n) huyse met/ zijnder toebehoirten gelegen bijde stove geheeten de roose d(air)inne/ marie heyma(n)ns geheeten meskens dochter wilen jans nu ter tijt/ woent en(de) dwelc zij der selver maken en(de) laten sal met hue(re)n/ testame(n)te op dat huer gelieft om alle de selve goede te gebruyken(e)/ te possesseren(e) en(de) tot eeuwigen daghen te besitten(e) als zijn proper/ goet d(air)af te disponeren(e) te v(er)thieren te v(er)coepen te belasten(e) alsoet/ hem best gelieve(n) sal cor(am) eisd(em)