Item want lodewijck roelofs die altijt theffen inde voirs(creven) lijfpen(sien)/ mede gehadt heeft tot nu onlanx toe dat hij dat t(ra)nsporteerde/ bij eede alhier geclaert heeft dat de voirs(creven) jouffr(ouwe) katlijne vand(er)/ heyden die mede theffen dair inne hadde aflivich es geweest wel/ omtri(n)t xx jair lanck en(de) dat hij noit nyseder dair af van pachte/ oft anders yet gehave(n) heeft Soe es met brieve(n) vand(er) stad gescr(even)/ aenden meye(re) van cu(m)ptich oft zijne(n) stedehoude(re) te kerckem die/ voirs(creven) helicht vande(n) ix(½) rijders erflic den bringe(r) vande(n) selve(n)/ brieve(n) tot behoef des voirs(creven) geleidden gelevert geweest en(de) es/ die bij vo(n)nisse va(n) (con)tu(m)acien den selve(n) geleydden aengewijst soe/ dat blijct in onsen reg(ist)re vander daet decembr(is) xiii lestleden nae/ dat de mo(m)moirs vanden kinde(re)n g(he)rams wijlen bote soe dat blijct/ bij rapporte vande(n) bode vand(er) stad die den brief droech en(de) oick/ bij div(er)sen (con)tu(m)acien [(con)tumacien] en(de) uutstellen geschiet octobr(is) iiii octobr(is) octobr(is)/ xxvii en(de) nove(m)br(is) xv al lestleden tusschen den selve(n) geleydden/ t(er) eende(r) en(de) meeste(re)n pete(re)n bote scolast(er) als p(ro)cur(eur) der voirs(creven) mo(m)boire(n)/ ter ande(re) en(de) oick d(er) voirs(creven) wed(uwen) vande(n) hove meest(er) ja(n)ne drabbekier/ en(de) ande(re)n [die] dair tegen geroepen sijn en(de) hen dach bescheiden es geweest/ die niet en co(m)pareerden En(de) dien acht(er)volgen(de) es de selve helicht/ mits versueck brieve(n) vand(er) stad t(er) proclamatien gestelt tot kerckem/ voirs(creven) en(de) die vercocht op hoghen en(de) ghebleve(n) mette(n) uutgange/ vander berrend(er) kerssen pete(re)n vander hoeve(n) elken rijder erflic d(air)/ af om en(de) voe(r) xvii rijders te xxvii st(uvers) tstuck drie pl(a)c(ken) pro st(ufero)/ dair inne eene(n) gelijke(n) rijder voir deen helicht vand(en) ii hoogen(en)/ dair inne geworpen tot svercoop(er)s p(ro)ffijte oic te baten comt soe/ dat al wittelijck gebleken heeft soe bij cleernissen vande(n) clerck/ die den brief screef den bode die dien droech soe bij claernisse(n)/ vander wet van kerkem die int selve vercoopen wa(r)en en(de) dat/ op heden bij scepen(en) van loven(e) bij eede ov(er)bracht hebben gelijck/ hier nae volght Ende dit al voir den acht(er)stel vand(er) voirs(creven)/ lijfpen(sien) van xx ja(r)en gedragen(de) nae uutwijsen d(er) voirs(creven) brieve(n)/ tsestich guld(en) rijders en(de) de pe(n)ni(n)ge vande(n) voirs(creven) coope eens hene(n)s/ dragens opde voirs(creven) helicht van ix(½) rijders met eene(n) rijd(er)/ voir deen helicht vande(n) ii hogen gedrage(n) cor(am) eisde(m) lxxxi/ rijd(er)s te xxvii st(uvers) tstuc en(de) xx st(uvers) i q(ua)rt cor(am) eisd(em)