It(em) willem van berlair meye(r) gort straesborch en(de) aelbrecht va(n)/ saffele scepen(en) van kerckem hebben getuycht dat sij als meye(r)/ en(de) scepen(en) voirs(creven) onlanx te weten opden xi dach va(n) januario
//
lestleden dair bij aen en(de) over wa(r)en dair ten nae voirgaen(de) publica/ tien en(de) kercgeboden dair op geschiet ten hoeghsten gebracht en(de)/ mett(er) berrend(er) kerssen acht(er)volgen(de) den brieve(n) van versueke d(er) stat/ van loven(e) dair te voe(re)n dair op gesonde(n) aende(n) selve(n) meye(re) vercocht/ en(de) ten hooghsten gebracht wert ten vervolge arnts van beringe(n) als/ geleyt nae d(er) stad recht van loven(e) tot allen den goeden have/ en(de) erve jans wijlen vanden hove sone wijlen jans sone wijlen/ bauduins en(de) gherams wijlen boote sijns swag(er)s deen helicht vande(n)/ neghen en(de) eene(n) halve(n) rijders erflijc die de selve voirs(creven) jan vand(en)/ hove hadde en(de) houden(de) was op thoff en(de) de goede wijlen jans/ de witte nu toebehoiren(de) pete(re)n vand(er) hoeve(n) nu te kerckem gelege(n)/ Te weten die helicht die nae de doot van jouffr(ouwen) katlijne(n) horeke(n)s/ weduwe des voirs(creven) wijlen jans vande(n) hove come(n) soude op de kinde(re)/ des voirs(creven) wijlen gherams bote vander geheelder rinte(n) voirs(creven) als/ rinte vercrege(n) nae inhoud d(er) brieve dair af sijnde in vollen stolle?/ tusschen den voirs(creven) wijlen ja(n)ne vande(n) hove en(de) jouffr(ouwen) katlijne(n)/ horekens sijne(n) wive Ende dair de voirs(creven) pet(er) vand(er) hoeve(n) den/ slach hadde vand(er) selv(er) helicht der erfrinte(n) voirs(creven) elken pe(n)ninck ge/ heeten rijder erflick dair af om seventhien rijders te sevenen(de)twintich/ stuv(er)s den stuv(er) rijder en(de) drie pl(a)c(ken) braba(n)ts voir elken stuv(er) ende/ dair de selve pet(er) dair inne werp twe hoegen(en) elck hoege(n) van eene(n)/ gelijken rijder half den coepe(r) en(de) half den vercoepe(r) sond(er) den wijn/ beyde op den slach en(de) hoogen(en) staen(de) die den gelage te hulpen come(n)/ Tuychden voirt dat zij opde(n) xviii dach van januario dair nae/ insgelijx bij wa(r)en dair de selve helicht vande(n) rinte(n) voirs(creven) mette(n)/ uutgane vander berrend(er) kerssen bleef op den slach en(de) hoegen(en) voirs(creven)/ den voirg(enoemde) pete(re)n vander hove(n) Quiquide(m) rogan(tes) quod faciu(n)t roela(n)ts/ thenis febr(uarii) xxiii