Want gordt de coni(n)c met brieve(n) van des(er) stadt heeft doen/ bescriven der jouffr(ouwen) weduwe jans wilen ha(n)narts als portersse/ van des(er) stadt om hem te betalen oft alhier comen rechts plegen/ tegen hem van seker(er) schult die hij huer eysschen(de) es van byere/ op kerne(n) gehaelt dair toe hue(re)n dach dien(en)de tot seke(re)n daghen/ onlanx geleden aldair zij noch oic op heden als ten verstreken(en)/ daghe va(n) rechte niet geco(m)pareert en is Soe hebben de scepen(en)/ van loeven(e) ter manissen smeyers gewijst met vo(n)nisse nae dat/ hen genoech gebleken heeft de brieve aen huer gescr(even) te zijne/ en(de) den dach dair af bij verstrijke te diene(n) dat de voirs(creven) gordt/ zijn recht op hue(r) oft hue(r) goede voirt volgen mach ter plaetsen/ dair hij dat bego(n)nen heeft huer(er) voirs(creven) vriheyt niet tege(n)staen(de)/ Act(um) in sca(m)pno cor(am) om(n)ib[(us)] scab(inis) de(m)pt(is) hoelair thenis febr(uarii) xii