It(em) Het zijn comen te rechte inde banc voir meye(re) en(de) scepen(en) van/ loeven(e) h(er) claes va(n) nyspen prochiaen va(n) libbeke gort machiels en(de)/ claes foelen inde(n) name en(de) als heylighegheestmeesters va(n) libbeke/ ter eender en(de) jaspar va(n) overwynghe ter ande(re) aldair de selve h(er) claes/ en(de) heyligegheestmeeste(re)n deden lesen een missive van des(er) stad ten/ vervolgen des voirs(creven) jasp(ar)s gescr(even) aen meye(re) en(de) scepen(en) van libbeke gescr(even)/ d(air)mede hij de banck van libbeke hadde doen sluyten vand(en) v(er)volghe/ dat zij dair hadden doen doen op willem(me) va(n) overwynghe des voirs(creven)/ jasp(ar)s brueder van seke(re)n ongebruyken die de selve willem co(n)trarie/ van seke(re)n vo(n)nissen gewesen octobr(is) xi a(n)no lxxvii hadde gedaen/ en(de) die sake alhier hadde doen bescrive(n) Seggen(de) dat die impetracie/ bijden voirs(creven) jasp(ar)en tonrechte was geschiet en(de) dat die sake sculdich/ wa(r)e ter bancken recht versonden te wordden bij diversen reden(en)/ namelijk en(de) p(ri)ncipalijc want willem voirs(creven) dair op zij dair geageert/ hadde(n) gheen poirte(r) en wa(r)e ten ande(re)n male al mocht die sake/ p(er)soneel zijn soe den voirs(creven) brief luydde soe was die sake nochtan/ tot libbeke gecomen in aensprake en(de) verantweerden(e) en(de) voirt/ p(ar)tien aldair gewijst tot hue(re)n thoene eer den selve(n) brief qua(m)/ en(de) alsoe met dien en(de) meer ande(re)n reden(en) sustineerden zij tre(n)voy/ te gecrigen vand(en) saken Dair tegen jasp(ar) hem v(er)antweerden(de)/ dede seggen onder den ande(re)n want dese sake va(n) ongebruyke/ dair voe(r) men op zijne(n) brueder volchde zijn wa(r)e gemerct dat/ die spruyten(de) quame uut den gebruyke en(de) hanteri(n)gen die hij/ als zijn wy(n)ne gehadt hadde van zijne(n) goede te libbeke en(de) hem/ noyt de wete van dien v(er)volge en was gedaen dan als hij die/ brieve voirs(creven) als porte(r) van des(er) stadt sant bij desen en(de) meer ande(re)n/ reden(en) sustineerde hij dat de sake die hij verantweerden woude
//
en(de) sculdich was soe hij seyde als zijn proper erve sake te v(er)antw(eer)den/ alhier ter kynnissen blive(n) soude en(de) beslicht wordden Te voirde(r)/ oic want hij p(rese)nteerde te bewijsen ofts behoefde dat hij seder/ den voirs(creven) vo(n)nisse d(air)mede de questie vand(en) p(ro)p(ri)eteyt en(de) heerlich(eit)/ versonden wart dair die behoirde en(de) d(air)mede de vruchten van/ dier tijt gewijst wardden in sequestre te bliven geweest hadde/ en(de) noch wa(r)e in possessien vand(en) selve(n) goeden Op dwelc de scepen(en)/ gemaent gewijst hebben met vo(n)nisse dat de voirs(creven) heylighe/ gheestmeeste(re)n huer recht voirt vorde(re)n sullen moegen ter/ plaetsen dair zijt bego(n)nen hebben in sca(m)pno om(n)ib[(us)] scab(in)is de(m)pt(is)/ hoelair thenis p(rese)ntib[(us)] febr(uarii) xii