Wij tymple hoeven scepen(en) te loeven(e) doen cond/ eene(n) yegelijken dat voir ons comen sijn anne van/ wesenbeke weduwe willems wijlen van dyeven/ ende magriete van dyeven hue(r) dochter weduwe/ willems wijlen van huffle al(ia)s pater noster ter eender/ ende jacop van maelcote bruede(r) woenen(de) te rotselair/ / ter ande(r) zijden Ende hebben gekint ende gelijdt/ dat zij bij onderwijse van magen ende vriende(n) in/ wederzijden om te schouwen alle questien en(de) gescillen/ die tusschen hen opverstaen wa(r)en ende in toecomen(de)/ tijden noch gerijsen mochten aengaen(de) der ca(m)men geleg(en)/ te rotselair wijlen des voirs(creven) willems van dyeven/ die de voirs(creven) jacop tegen de weduwe desselfs/ wijlen willems van dyeven der voirs(creven) magriete(n)/ huer(er) dochter ende hue(re)n brueder ende susters vercrege(n)/ heeft uuyt saken dat deselve jacop bevonde(n) heeft/ dat deselve goede belast sijn met meer ande(re) goeden/ voir drie croone(n) lijftocht(en) staende ten live hue(ren) jans/ ende augustijns opten berch gebrueder(re)n dair op hem/ de goede niet uuytgegeve(n) en wa(r)en desgelijcx met/ twee diverse beleyden die dair op gedaen wa(r)en/ voir den tijt van sijnder guedingen Te weten(e) deen/ dair af van vie(r) ryns guld(en) erflijck die willem van/ gheele hadde opden voirs(creven) willem(me) wijlen van dyeven/ ende sijne borghen ende dande(r) oick van vie(r) ryns/ guld(en) erflijck die jan vander to(m)men met twee/ diversen brieve(n) oick hadde opden voirs(creven) wijlen willem(me)/ van dyeven ende sijn borghen dair voe(r) de voirs(creven)/ sijn ca(m)me gepraemt was dwelc hij al mits/ der geloften van genoech doene hem bijder voirs(creven)/ weduwen van dyeven en(de) hue(re) kinde(re) gedaen aen/ de goede der selver weduwe(n) ende kinde(re)n p(re)tendeerde/ met rechte te verhalen Met malcande(re)n mynlijck/ eenswordden ende veraccordeert sijn inder manie(re)n/ naevolgen(de) Te weten(e) dat de voirs(creven) jacop va(n) nu/ voirtane tot eeuwigen dagen dragen ende betalen/ sal tsijnen laste de voirs(creven) drie croone(n) lijftochten/ ende de acht ryns guld(en) erflijck voe(r) gespecificeert/ en(de) den voirs(creven) wijlen willem(me) van dyeven zijnen/ / borghen de voirs(creven) weduwe van dyeven hue(re) kinde(re)/ ende huer(er) alder goede dair af costeloes en(de) schadeloes/ ontlasten ende ontheffen alsoe dat zij dair af in/ tijden toecomen(de) gheenssins gepraemt oft belast en/ sullen wordden in e(n)niger manie(re)n Des sullen dair/ voe(r) ende in recompense van dien versmelte(n) ende/ te nyeute sijn alsulke vie(r) ryns guld(en) erflijck als/ de voirs(creven) weduwe van dyeven ende hue(r) kinde(re)n/ ten tijde vander guedingen opde voirs(creven) ca(m)me erflijck/ behielden Ende sullen dair toe deselve wed(uw)[e] van/ dyeven ende hue(r) dochter den selve(n) jacoppe terstont/ goedden ende erven in twee stucken beempts geleg(en)/ inde p(ro)chie van rotselair dair af deen houden(de)/ drie dach(mael) paulo gelegen es aende brugge te/ rotselair tusschen tshee(re)n strate ter eenre shee(re)n reck/ ter ande(r) ende de moele(n)grecht ter derder zijden dande(r)/ es gelegen achter de moelen geheete(n) den vogelsanck/ houden(de) een dach(mael) paulo tusschen de dijle ter eenre/ shee(re)n strate ter ande(r) de goede goirts hermeys ter/ derder ende tclooster van bethleem ter vierder zijden/ Desgelijcx sullen zij hem oick alsnu oft tallen tijden/ alst hem gelieft ende tot sijnder maniss(en) overgoeden/ de voirs(creven) vie(r) r(yns) guld(en) erflijck Ende mits dien/ sullen de voirs(creven) weduwe van dyeven ende hue(r) kinde(re)/ vand(en) gelufte(n) van genoech doene bij hen geloeft/ alsoe verre het den co(m)me(re)n voirs(creven) aengaet los zijn/ ende bliven ongepraemt soe langhe ende soe verre/ tselve tractaet bij alle de kinde(re) van dyeve(n) hem/ onderhouden wert Met conditien ende vorweerden/ h(ier) inne besproken ende bevorweert soe verre de kinde(re)/ die nu som buyten lants ende absent sijnde tselve/ tractaet niet onderhouden oft voldoen en wouden/ in tijden toecomen(de) ende deselve kinde(re) hem wed(er)om/ willen lossen vand(en) voirs(creven) co(m)me(re)n ende lasten ende
//
hem alsdan opleggen cost ende co(m)me(r) dair om bij/ he(n) geleden dat alsdan ende in dien gevalle de/ voirs(creven) jacop hen wederom overgoeden sal de voirs(creven)/ goede gelijck hem die alhier overgeg(even) en(de) bewesen/ zijn Ende alle de voirs(creven) pointen conditien ende/ vorweerden voirs(creven) hebben de voirs(creven) p(ar)tien malcande(re)n/ geloeft vast gestentich van weerden te houden ende/ te voldoene quol(ibe)t ass(ecutu)[m] Ende malcande(re)n van des/ voirs(creven) is voirde(r) guedinge ende vestich(eyt) te doen(e) tot/ elcx manisse Et tantu(m) p(ro)ut Ende hier inne hebben/ de wed(uw)[e] van dyeven hue(re) kinde(re) absent zijnde/ en(de) de weduwe p(ate)r nost(er)s huer dochter die zij behoude(n)/ heeft van willem(me) pater noster geloeft te vervaen(e)/ en(de) in dien te hebben dat zij bynnen lants oft tot/ ouderdo(m)me comen zijnde tselve tractaet sulle(n) gelove(n)/ tonderhouden(e) junii xxvii