Item willem de raet die als poirte(r) vander stat heeft doe(n)/ afscrive(n) aenden meye(re) van assche zeke(re) ongebruyck he(m) ald(air)/ gedaen bij m(ar)grieten van londersele aen zeke(re) zijn goede en(de)/ versocht de selve behoirlijck bedwonge(n) te hebben tott(er) restitucie(n)/ vanden vruchte(n) he(m) bij huer aldair ontoge(n) heeft hem op hede(n)/ te rechte gep(rese)nteert inde banck voir meye(re) en(de) scep(enen) van loven(e)/ tege(n) de selve m(ar)gr(ieten) die niet en compareerde en(de) alsoe v(er)socht/ de selve poirte(r) d(air)aff tvo(n)nisse der scepen(en) die wesen dat/ de selve poirte(r) zijn p(rese)ntacie soude moegen doen teeken(en)
//
Ende hadde hij voirde(r) gebreck vande(n) restitucie(n) dat hij dat/ volchde aenden borgermeester In scampno septembr(is) xx