Vanden questien gecome(n) op heden bijde(n) rade vand(er) stat/ tusschen woute(re)n va(n) kermpt als mo(m)bour vand(er) capellen
//
van onser liever vrouwe(n) te ransberge gelege(n) inde p(ro)chie/ van nederlinthe(r) t(er) eender ende den meye(re) en(de) scepen(en) sdorps/ van ned(er)linthe(r) inden s name vand(en) selve(n) dorpe t(er) ande(r) zijd(en)/ aldair de voirscr(even) wout(er) te kynne(n) heeft gegeve(n) hoe dat/ hij als r(e)g(eer)der der selver capelle(n) g(ro)ten cost en(de) last gedaen/ hadde om de selve capelle te r(e)pare(re)n en(de) te decke(n) mids/ den welk(en) hij consent gecrege(n) hadde ae(n) mijns he(re)n genaden/ va(n) ludicke te moege(n) vercoope(n) xxx st(uvers) erflijck d(er) selver/ capelle(n) toebehoiren(de) d(air)inne die vanden dorpe he(m) letsele/ gedae(n) hadde mette(n) h(er)scape en(de) p(er)soe(n) d(er) kerke(n) va(n) ned(er)linthe(r)/ hoepen(de) dat hij soude moege(n) voirtsvare(n) mette(n) voirs(creven) v(er)coope/ om de selve lasten te verva(n)gen D(air) tege(n) die vand(en) dorpe/ voirs(creven) hebbe(n) gesustin(eer)t en(de) gehoude(n) dat wout(er) voir en(de) eer/ sculdich soude zij(n) te doen(e) vand(en) voirs(creven) laste(n) rekeni(n)ge en(de)/ bewijs en(de) die geschiet en(de) geslote(n) d(air) en(de) alsoe dat behoirde/ soe p(rese)nteerde(n) zij eendrechtelijck inde(n) name va(n)d(en) dorpe te/ vinden manie(re) soe p(rese)nteerd(en) het wa(r)e bij settinge(n) v(er)coope/ oft and(er)ssins d(air)mede zij de tacht(er)heyde(n) soude(n) moege(n) v(er)valle(n)/ hopen(de) dat hij mette(n) v(er)coepe te vroech oppe wa(r)e met/ meer woirde(n) in wed(er)zijd(en) geallig(eer)t Es geappointeert ende/ uuytgesproke(n) den voirs(creven) p(ar)tien en(de) get(er)mineert dat wout(er)/ yerst en(de) voir al zijne rekeni(n)ge doe(n) sal en(de) die gesloten/ zijnde d(air) en(de) alsoe dat behoirt sulle(n) die vand(en) dorpe/ vand(en) tacht(er)heyden oft d(air) e(n)nige sulle(n) zij(n) he(m) t(er) stont/ bij stentich(eit) doen soe zij des met malcande(re)n ov(er)drage(n) sulle(n)/ hetzij bij settinge(n) den voirs(creven) v(er)coope d(er) rinte voirg(enoemd) navolg(en)/ den (con)sente voirs(creven) soe and(er)ssins alsoe dat de selve wout(er)/ d(air)aff ombelast sal blive(n) In (con)s(ili)[o] op(idi) ap(ri)lis ix