Vander questien die voe(r) den rade vand(er) stat geweest heeft/ tusschen janne cleynvrancke t(er) eender en(de) he(re)n janne va(n) hug(ar)den/ p(ri)este(r) t(er) ande(re) om xviii r(inssche) guld(en) die de selve cleynvrancke/ sette ond(er) scepen(en) omtrint den ja(r)e va(n) lxxx in m(er)te voe(r) zekere/ schaerhout va(n) bossche(n) zijn leen zijnde d(air)inne h(er) jan meynde / gericht te zijne en(de) dat he(m) die pe(n)ni(n)ghe alsoe toebehoirde(n)/ die welke de selve cleynvrancke meynde dat he(m) sculdich ware(n)/ gerestitueert te word(en) nae tgene des d(air)aff bijder stat was/ geschiet inden selve(n) ja(r)e d(air) p(ar)tien dach hadde(n) die sake te v(er)volg(en)/ voir meye(re) en(de) scepen(en) va(n) loven(e) inde banck nae beloken(en) paessche(n)/ doen vervolgen(e) oft dat henr(ic) va(n) beloingne(n) oft zijne(n) procur(eur)/ bij gebreke va(n) dien die pe(n)i(n)ge soude(n) volge(n) en(de) gerestitueert/ worden ende want de selve h(er) jan dit niet en was geacht(er)volcht/ mair (contra)rie va(n) dien en(de) niet tegenstaen(de) zeke(re)n voir t(er)mi(n)acien/ die sake te bruessele hadde betoge(n) en(de) v(er)volcht soe sustin(eer)de/ cleynvrancke dat he(m) de voirs(creven) pe(n)ni(n)ge gerestitueert souden/ worde(n) den voirs(creven) he(re)n ja(n)ne de (contra)rie sustine(re)nde bij dien te/ voirde(r) want hij allig(eer)de en(de) p(rese)nteerde te bewijse(n) dat he(m)/ de voirs(creven) erfgoede en(de) alle de vruchte(n) va(n) dien soe wel de/ ghene d(air)voe(r) de voirscr(even) pe(n)ni(n)ge onder de wet ware(n) gestelt/ als ande(re) aengewese(n) ware(n) wair bij hij hoepte dat hem/ de selve pe(n)ni(n)ghe volgen soude(n) es de voirs(creven) h(er) jan van/ dien zijne(n) v(er)mete gestelt op zijne(n) thoen en(de) dach dair toe/ geconsenteert om d(air) aff te doe(n) blijcken genoech zijnde tussche(n)/ dit en(de) des vridaichs nae beloken(en) paessche(n) naestcomen(de) en(de)/ bij alsoe hij dat hie(re)nbynne(n) niet volcomelijck en dede blijke(n)/ datme(n) dan den voirscr(even) cleynvrancke deselve pe(n)ni(n)ge soude(n)/ late(n) volgen op goede caucie en(de) borchtocht va(n) d(air)aff tege(n)/ eene(n)yegelijcken te rechte inne te stane In (con)s(ili)[o] opidi/ ap(ri)lis ix