Vanden gedinghe dat geweest heeft inde banck voir meye(re) en(de)/ scepen(en) van loven(e) tusschen henr(icke) vanden ynde als momboir jouffr(ouwen)/ magdalene(n) van meenssele sijns wijfs en(de) inden name en(de) als p(ro)cur(eur)/ jouffr(ouwen) katlijne(n) van meenssele zijnd(er) swegeri(n)ne(n) wettige dochte(re)n/ henrix wijlen van meenssele die hij hadde van machtelden/ pa(n)nesterts sijne(n) wive docht(er) jans wijlen pa(n)nesterts aenlegg(er)/ ter eend(er) en(de) joha(n)nese va(n) helmo(n)t als man en(de) mo(m)boir lijsbette(n)/ corsbouts sijns wijfs wettige docht(er) roelofs wijlen corsbouts/ die hij hadde van lijsbette(n) pa(n)nesterts sijne(n) wive oic docht(er)/ des voirs(creven) wijlen jans en(de) sust(er) der voirs(creven) machtelden/ en(de) oic de selve joha(n)nes als p(ro)cur(eur) der voirs(creven) lijsbette(n) zijnd(er)/ zweeg(er) soe v(er)re huer dat aencleefde verweerders t(er) ande(re)/ Aldair de voirs(creven) aenlegg(er) inden name(n) als vo(r)e yerst dede/ lesen eene(n) scepen(en) brief vand(er) deylinge(n) tusschen hem en(de) zijn/ medep(ar)tien voirs(creven) t(er) eend(er) en(de) der voirs(creven) lijsbette(n) wed(uwe) des/ voirs(creven) wijlen roelofs corsbouts t(er) ande(r) zijden vand(er) daet/ xiiii[c] lxxiiii ja(nua)[rii] xxiii en(de) die gelesen sijnde dede hij segge(n)/ dat jan wijlen pa(n)nesterts als hij leefde besadt met vollen/ rechte seke(re) goede bynne(n) loven(e) te div(er)sen plaetsen gelegen/ en(de) onder den ande(re)n een huys en(de) hoff mette(n) toebehoirte(n) gelege(n)/ opde bakeleynstrate neve(n) de houtmerct en(de) den raemhoff/ buyte(n) der sijde(n) vand(er) steenporte(n) en(de) dat hij [dair] uut starf als/ uuyt sijne(n) prope(re)n erve En(de) dat de selve wijlen jan pa(n)ne/ sterts acht(er) liet twe wettige dochte(re)n dair af de voirs(creven) / roelof wijlen corsbout deene te wete(n) de voirs(creven) lijsbeth/ nae staet d(er) heyleg(er) kercken hadde getrout en(de) dande(re) te/ wete(n) den voirs(creven) henricx machtelt hadde getrout nae/ staet der heyleg(er) kercken den voirs(creven) henricke wijlen van/ meenssele en(de) dat die twee gehuysschen henrick va(n) meenssele/ zijn wijf hadden twee wettige dochte(re)n Dair aff henrick/ vande(n) ynde voirs(creven) deene te weten der voirs(creven) jouffr(ouwen) mag/ dalene(n) van meenssele nae staet der heyleg(er) kercken getrou/ wet heeft en(de) dand(er) te weten de voirs(creven) jouffr(ouwe) katlijne/ van meenssele waer noch ongehouwet Deze en(de) meer ande(re)/ pointe(n) tot sijne(n) motive dienen(de) op dat hem [dit] wordde/ ontkindt p(rese)nteerde hij te bewijsen hopen(de) wair hij dit conste/ gedoen dat hem dan zijns wijfs en(de) huers sust(er)s kintsgedeelte/ volge(n) soude in de pe(n)ni(n)ge gecome(n) vande(n) voirs(creven) huyse en(de)/ hove gelegen buyten besiden der steenpoerte(n) die bijd(er) voirs(creven)/ wed(uwe) vercocht wa(r)en der stad van loven(e) oft ten mynste(n)/ dat die pe(n)ni(n)gen wed(er) aengeleecht soude(n) wordden t(er)/ erflich(eit) ter selv(er) natuere(n) dair aen de voirs(creven) wed(uwe) korsbouts
//
hue(r) tocht hebben soude en(de) dat die proprietarise dan come(n)/ mochte(n) op hem en(de) zijn swegeri(n)ne hopen(de) dat dat nae den/ lantrechte en(de) oic acht(er)volgen(de) der voirs(creven) deylinge(n) alsoe/ behoerde Te voird(er) oick want de voirs(creven) wijlen roelof met/ sijne(n) testame(n)te der selv(er) lijsbette(n) macht hadde gegeve(n) van/ allen sijne(n) goede(n) te dispone(re)n die tot hue(re)n wille te v(er)coope(n)/ te verthiere(n) te belaste(n) (et)c(etera) des hij hem oic gedraecht totte(n)/ selve(n) testame(n)te hem des getroestende totten rechte Dair/ tege(n) de voirs(creven) joh(ann)es inde(n) name als vo(r)e hem verantwerden(de)/ dede yerst lesen een vo(n)nisse der scepen(en) van loven(e) gewesen/ oct(obris) ii a(n)no lxxix tussche(n) den voirs(creven) henricke vande(n) ynde/ als aenlegg(er) ter eend(er) en(de) der voirs(creven) wed(uwe) corsbouts ter/ ande(re) en(de) dat gelesen sijnde dede de voirs(creven) joh(ann)es dat/ merckelic bleeck bijde(n) verhale vande(n) selve(n) vo(n)nisse dat/ de voirs(creven) henrick ald(air) hadde doen seggen alle tghene des/ hij nu hier voe(r) int lanck opgedaen hadde en(de) dat de selve/ henr(ick) ald(air) gewijst was verdoelt mit sijne(n) voirstelle/ Dede voirt segge(n) dat de voirs(creven) wijlen jan pa(n)nestert/ liet acht(er) ii wettige dochte(re)n dair af de voirs(creven) wijlen/ roelof corsbout deene hadde getrouwet te weten(e) d(er)/ voirs(creven) jouffr(ouwen) lijsbette(n) pa(n)nesterts en(de) dat die twe gehuyssche(n)/ tsame(n) hadde(n) ond(er) den ande(re)n een wettige docht(er) geheete(n)/ lijsbeth corsbouts die nu getrouwt heeft nae staet d(er) heyleg(er)/ kercken den voirs(creven) joha(n)nese van helmo(n)t Dede voirt segge(n)/ dat de voirs(creven) wijlen roelof corsbout nae der stad recht/ van loven(e) geleyt was a(n)no xliii aug(usti) xx tot alle(n) de(n)/ goeden des voirs(creven) jans pa(n)nesterts sijns sweers en(de) dat/ hij uut dien beleyde claese wijlen va(n) sinte guericx na(tur)lic/ goeidde voir meye(re) en(de) scepen(en) va(n) loven(e) a(n)no l vel feria/ secu(n)da post die(m) d(omi)nica(m) qua canta(tur) quasi mo(do) sabb(at)o post/ festu(m) pasche in de helicht van div(er)sen goede(n) bynne(n) loven(e)/ gelege(n) te weten(e) den rinck en(de) moriaen en(de) meer ande(re)n goeden/ ende namelijck inde helicht vande(n) voirs(creven) huyse en(de) hove inde bake/ leynstrate dair af nu questie es van welker helicht de voirs(creven)/ roelof corsbout dand(er) helicht houden(de) was It(em) dat dair nae/ a(n)no l feria secu(n)da po t(er)cia post die(m) d(omi)nica(m) qua cantat(ur) quasi mo(do)/ de voirs(creven) claes goedde den voirs(creven) wijlen roelofve sijne(n) sweer/ en(de) lijsbette(n) pannesterts sijnd(er) werdinne(n) ond(er) den ande(re)n inde helicht/ voirs(creven) vanden voirs(creven) huyse en(de) hove inde bakeleyne d(air) questie/ af es Dat voirt de voirs(creven) roelof corsbout in sijnd(er) tijt gebruyckt/ hadde tvoirs(creven) huys mette(n) hove dair questie af es soe wel ten
//
ten tijde dat jan pa(n)nesterts sijn sweer noch livich en(de) levende was/ gaen(de) en(de) verkynne(n)de v(er)keeren(de) bynne(n) loeven(e) en(de) dair omtri(n)t als dair/ nae ten toesiene en(de) wel weten(e) vanden selve(n) en(de) dat de selve/ roeloff dat soe in sijns sweers leven(e) soe dair nae wel beseten/ hadde ongestoert als zijn proper erve ov(er) der ja(r)en xxx en(de) daghe/ en(de) dat hij dair uut sterf als uut sijnd(er) p(ro)pe(re)n erve en(de) dat sijn/ werdinne voirs(creven) dair inne nae sijn doet es bleve(n) sitten(de) als een/ tochtersse en(de) hue(r) voirs(creven) docht(er) als erfwijf Dede voirt seggen dat/ de voirs(creven) roelof vele en(de) div(er)se sculde(n) in voirleden(en) tijden voir den/ voirs(creven) sijne(n) sweer als sijn borghe hadde moete(n) houden betalen bij bedwange/ van rechte naemelijck c rijders dair o(m)me hij lange inde vroente/ sat ten vervolge d(er) wed(uwen) crauwels soe dat hij dair uut niet en/ mochte hij en moeste betalen tprincipael met alle(n) costen Seyde/ voirt dat een gemeyne fame was doen t(er) tijt bynne(n) loeven(e)/ dat de voirs(creven) roelof borghe stont voir den voirs(creven) sijne(n) sweer en(de)/ soe vele dat hij gescape(n) was dair bij verdorve(n) te sijne dair/ af hij e(n)nige brieve dede exhibe(re)n naemelijc tot ii toe den eene(n)/ aen pauwelse vande(n) speelhoeve(n) van v rijd(ers) r lijfpen(sien) gefineert/ a(n)no xxxvi nove(m)br(is) x en(de) den ande(re)n va(n) v croone(n) lijfpen(sien) aen goessen/ vande(n) speelhoeve(n) gefineert a(n)no xxxv feria sexta post festu(m) pasche/ Dede voirt segge(n) dat hem sijn voirs(creven) sweeg(er) octobr(is) xi lestlede(n) ov(er)geg(even)/ hadde haer tocht vanden voirs(creven) goede(n) in behoirlik(er) manie(re)n En(de) op/ tstuck vande(n) testame(n)te bij henr(icke) geallig(eer)t dede de voirs(creven) joha(n)nes/ seggen want de voirs(creven) weduwe huer bij exp(re)sse inder deylinge(n)/ niet en hadde beholpen mette(n) testame(n)te soe en wa(r)e die selve/ deylinge niet te verstaene om dactie vande(n) testame(n)te wa(n)t wie/ hem behulpe(n) wilt buyte(n) den lantrechte met e(n)nig(er) actien oft/ p(ri)vilegien van testame(n)te dat moet die expresselic allige(re)n/ and(er)ssins es dat sculdich verstaen te wesen op sijn gemeyn lantrecht/ en(de) men en soude niet bevi(n)den dat zijn sweeg(er) huer e(n)nichssins/ behulpen hadde metten voirs(creven) testame(n)te mair altijt als sij ander/ goede hadde vercocht te weten den rinck dat was gebuert/ bij hue(r) als tochtersse en(de) huer(er) docht(er) als erfwijf dwelck alsoe/ niet en soude hebben gebeurt hadde sij huer wille(n) behulpe(n) mette(n)/ testame(n)te des neen Dese en(de) mits and(ere) pointen soe v(er)re hem/ die ontkint wordden p(rese)nteerde hij te thoene(n) hopen(de) wair hij/ dat conde gedoen dat henrick inde(n) name als vo(r)e op hem ende/ sijn goede verdoelt verdoelt wa(r)e hem des gedragen(de) totten rechte/ Dair tegen de voirs(creven) henrick replice(re)nde dede seggen onder den/ ande(re)n dat de voirscr(even) roelof zee(r) langh de bate vanden voirs(creven) en(de)/ meer ande(re)n goeden nae de doet wijlen jans pa(n)nesterts gebleve(n)/ hadde getogen en(de) al wairt soe dat hij yet voir hem betaelt hadde/ soe hadde hij dat seder wel innegehave(n) aende prouffijte(n) en(de)
//
gevallen rinten vanden selve(n) goede(n) en(de) alsoe wa(r)e hij dair af sculdich/ rekeni(n)ge te doene Dede oic segge(n) dat ten tijden dat jan pa(n)nesterts/ dbekin dede dair uut roelofs beleyt was gespruyt de selve pa(n)ne/ stert m(air) een tocht(er) en was en(de) oic al wa(r)e dat joha(n)nes e(n)nige possessie/ thoende dat des niet sculdich en wa(r)e gelet te wordden(e) gemerct/ dat tussche(n) brued(er) en(de) sust(er) egheen scille en stonde nemen(de) voirt voir/ verhaelt al tghene des hij voe(r) in sijnd(er) aenspraken opgedaen hadde/ conclude(re)nde als voe(r) Dair tege(n) de voirs(creven) joh(ann)es duplice(re)nde dede/ seggen dat de voirs(creven) roelof de voirscr(even) goede niet gehoude(n) en hadde/ noch beseten op rekeni(n)ge dair af te doene mair hadde die met volle(n)/ rechte als sijn proper erve beseten den tijt van ja(r)en voer geruert/ Oick hadde hij moete(n) derve(n) de rinte(n) en(de) prouffijte(n) van sijne(n) erve/ die hij dair op vercocht hadde om te vervalle(n) de schulde(n) die/ hij voir sijne(n) voirs(creven) sweer hadde moete(n) betalen die meer gedroege(n)/ dan de jaerlijssche income(n) van desen goede(n) Seyde voirt dat de/ voirs(creven) henrick niet en soude sijn te geloeve(n) dat pa(n)nestert m(air) een/ tocht(er) ten tijde vanden voirs(creven) bekinne en soude sijn geweest gemerct/ dat hij selve bij geleecht hadde te thoenen dat pa(n)nestert dair/ uut was gestorve(n) als uut sijne(n) p(ro)pe(re)n erve en(de) alsoe soude hij hem/ selven in dien cont(ra)rie(re)n Seyde voirt op tstuck vand(en) scille(n) dat/ die possessie die roelof hadde gehadt niet en was tussche(n) suster/ ende brued(er) uut warachtige(n) tijtle om guedinge(n) gespruyt uut/ beleyde van scepen(en) brieve(n) van loeven(e) en(de) en volcht mer alse sulken/ possessie voirde(r) gaet dan tussche(n) sust(er) en(de) brued(er) dat alsdan scille/ oft possessie gheen stadt grijpen en soude Conclude(re)nde als vo(r)e hebben/ de scepen(en) van loeven(e) aengehoirt den thoen van beyden p(ar)tien dair/ sij de selve vo(n)nislijck toe hadde(n) geweesen en(de) inden welken de voirs(creven)/ verweerde(r) zijns thoens genoech volqua(m) inde(n) pointe(n) meest tot sijnd(er)/(con)clusien dienen(de) soe met leven(de) waerh(eit) brieve(n) en(de) ande(re)n wettelijcke(n)/ acten en(de) de aenlegge(r) en thoende soe vele nyet dat hem tot zijnd(er)/ conclusien conste gediene(n) ter manissen smeyers gewesen voir een vo(n)nisse/ dat henrick vande(n) ynde inden name soe hij ageert met sijne(n) voirstelle/ aende goede dair questie af es verdoelt es cor(am) o(mn)ibus scab(inis) in sca(m)pno/ dempto roelants februar(ii) xxi