Op de questie geport voe(r) den raide vand(er) stadt tusschen henr(icke)/ van medeghem als p(ro)cur(eur) willems vand(er) loe ter eender en(de) meester/ woute(re)n vand(en) royele ter ande(re) aldair de voirs(creven) procur(eur) opdede hoe
//
de voirs(creven) meester wouter voirmaels zijne(n) co(n)stitue(n)t betogen hadde/ met inhibicien voir tgheestelike gerichte te camerijck om der vruchte(n)/ wille vand(en) thienden va(n) zemps met hue(re)n toebehoirten die jan wilen/ de boc plach te houden(e) en(de) nae hem de voirs(creven) meester wout(er) meynde/ taenveerden(e) en(de) dat aldair die sake soe v(er)re bedingt was tusschen/ de voirs(creven) p(ar)tien dat tvo(n)nisse tegen den voirs(creven) meeste(re)n woute(re)n en(de) met/ den voirs(creven) willem(me) was gecomen Seyde voirt dat de selve meester/ wouter van dien vo(n)nisse hadde geappelleert en(de) zijn appellacie by(n)nen/ behoirliken tijde niet v(er)volcht soe dat die dair bij soe de voirs(creven)/ p(ro)cur(eur) seyde desert was en(de) te nyeute En(de) alsoe hadde zijn co(n)stitue(n)t voir/ tgheestelike gerichte dair en(de) soe dat behoirde v(er)volcht soe v(er)re/ want de voirs(creven) meester wouter hielt die appellacie niet desert te/ zijne dat dair op de selve meester wouter p(er) subsidiu(m) iur(is) gedaicht/ es geweest te co(m)pare(re)n te bruessel voir den officiael aldair en(de) oick seke(re)/ executorien om tvoirs(creven) vo(n)nisse ter execucien gestelt te wordde(n) wa(r)en/ v(er)leent wair bij hij sustineerde tot zijnder co(n)clusien dat de voirs(creven)/ execucie hue(re)n voirtganc soude hebben oft ten mynsten dat de voirs(creven)/ vruchten vand(en) thienden bliven souden gesequestereert tot sgheens/ behoef diemen soude bevi(n)den recht dair toe te hebben(e) Dair tegen/ de voirs(creven) meester wouter antweerden(de) meynde tstuc vander des(er)cien/ voirs(creven) soe te v(er)antweerden(e) alse hem in co(n)servacien zijns rechts van/ noode zijn soude en(de) aengaen(de) den voirs(creven) sequestre nae dien den hee(re)n/ meye(r) en(de) s(in)[te] petersma(n)nen va(n) loeven(e) en(de) oick den hee(re)n vand(en) wet alh(ier)/ genoech was gebleken dat hij wa(r)e int gebruyc en(de) possessie(n) va(n) dien/ naevolgen(de) den voir appointeme(n)ten d(air)op voirmaels gegeve(n) bijde(n) hee(re)n/ s(in)[te] pet(er)sma(n)nen en(de) wethoude(re)n alhier sustineerde hij dat die seq(ue)stracie/ niet sculdich en wa(r)e te geschieden(e) en(de) dat hij sculdich wa(r)e in zijn/ possessie gemai(n)teneert te wordden tot dat hij d(air)uut wa(r)e gewo(n)nen/ dair en(de) soe dat behoirt he(m) des gedragen(de) totte(n) rechte Es duytsprake/ vand(er) stadt dat de voirs(creven) meester wouter tstuc vand(en) voirs(creven) des(er)cien/ sculdich sal zijn te v(er)antweerden dair en(de) soe dat behoirt op alsoe/ lieve hij zijn recht va(n) dien begheert te besorgen en(de) aengaen(de)/ den ande(re)n pointe vand(en) sequestre dat de voirs(creven) p(ro)cur(eur) d(air)mede v(er)doolt/ es en(de) dat meester wouter achtervolgen(de) den voirappointeme(n)ten/ bliven sal inde possessie van dien tot dat hij die sake int p(ri)ncipael/ sal zijn beslicht dair en(de) soe dat behoirt In (con)s(ili)[o] opidi febr(uarii) xv