Nae dien dat jan van buetsele scepen(e) te loeven(e) acht(er)volgen(de)/ seke(re)n voirgaen(de) t(er)mi(n)acien en(de) vo(n)nissen voirmaels te diversen/ stonden tusschen hem ter eender en(de) meester pete(re)n va(n) loeven(e)/ ter ande(re) gegeven en(de) gewesen een wile tijts gevolcht heeft/ tegen den selven meester pete(re)n dair ten lesten male te weten/ nove(m)br(is) xxvii lestleden meester peter den dyene(r) vand(en) hee(re)/ die hij op zijn zijde dede ae(n)ho(r)en bij eede voirde(r) tempte(re)n/ woude en(de) doen examine(re)n doen hij he(m) eenwerf en(de) anderwerf/ dairop hadde geexpedieert en(de) gewijst wart vo(n)nislijc dat/ de selve diene(r) gestaen soude metter claernissen die hij d(air)af/ gedaen hadde en(de) de selve meester peter niet voir oogen/ en quam Soe sustineerde de voirs(creven) jan dat hem de geeyschte
//
p(er)ceelen dair voe(r) hij tande(re)n tijden cornelijse tyelois alhier/ hadde gehecht en(de) d(air)af de voirs(creven) meester peter renu(n)cie(re)nde alle/ p(ri)vilegien den voirs(creven) cornelijse d(air)af te hemweert en(de)/ tsijne(n) verantweerden(e) nemen(de) gelooft hadde tegen den/ voirs(creven) ja(n)ne voir den selven cornielijse te rechte inne te/ staen(e) en(de) dairaf van daghe te daghe rechts te plegen/ sculdich wa(r)en vo(n)nislijc aengewesen te en(de) den voirs(creven) meester/ pete(re)n inde restitucie van dien geconda(m)pneert te wordden/ oft dat hij die aen den voirs(creven) cornielijse zijne(n) principalen/ mocht v(er)halen en(de) dat dat alsoe behoirde des gedroech hij/ hem totten rechte Op dwelc de scepen(en) gemaent gewijst/ hebben wair de voirs(creven) meester peter niet en co(m)pareerde/ ten opstaen(e) smeyers en(de) der scepen(en) dat de voirs(creven) jan van/ buetsele voirtvaren sal moegen met rechte Act(um) in sca(m)pno/ januarii xxii