Want gordt hanckart als geleyt nae deser stadt recht voir/ zijn wettich gebreck uut crachte van scepen(en) brieve(n) van loeven(e) tot/ allen den goeden beyde have en(de) erve peters couwens sone wilen/ henr(icx) jans wilen couwens en(de) henr(icx) jans soe wair die gelegen/ zijn hem met brieve(n) van des(er) stadt gescreve(n) aen den meye(re) van/ hallen oft zijne(n) stedehoude(re) te glabbeke alle de selve goede heeft/ doen leve(re)n en(de) den voirs(creven) pete(re)n couwens der weduwen des/ voirs(creven) wilen jans couwens en(de) den voirs(creven) henricke jans dach/ van rechte alhier te co(m)pare(re)n oft zij tegen de voirs(creven) leveringe/ yet hadden willen allige(re)n oft de voirs(creven) scepen(en) brieve impugne(re)n/ Tot welken daghe de voirs(creven) p(er)sonen noch nyema(n)t va(n) hue(re)n/ wegen geco(m)pareert en es den voirs(creven) geleydden altijt co(m)pare(re)nde en(de)/ trecht voirt versueken(de) soe v(er)re dat scepen(en) van loeven(e) ter/ manissen smeyers nae dat hen behoirlijc heeft gebleken bij/ rapporte tyebaults steenwechs? de voirs(creven) leveri(n)ge en(de) dachbeschey/ dinge geschiet te zijne gewesen hebben voir een vo(n)nisse datmen/ den voirs(creven) geleydden vand(en) voirs(creven) goeden houden houde inde macht/ van zijne(n) beleyde en(de) leveri(n)gen voirs(creven) alsoe v(er)re alst noch voir/ scepen(en) comen es Act(um) in sca(m)pno januarii xxix