Item henrick zas m(ar)grieten zweerts zijn huysvr(ouwe)/ jan diericx lijsb(eth) zweerts zijn huysvr(ouwe) zust(er) der voirs(creven)/ m(ar)grieten zweerts willem(me) van airschot gertruyt zweerts/ zijn huysvrouwe zust(er) der voirs(creven) gezuste(re)n gielijs van/ airschot digne zweerts zijn huysvrouwe zuster/ der selv(er) gezuste(re)n en(de) marie zweerts oick zuster/ der voirg(enoemde) gezuste(re)n zweerts kynde(re)n bartholomeeus/ wijlen zweerts Te weten(e) de voirs(creven) marie zweerts/ bekynnende huer out te zijne xxv ja(r)en en(de) dair ov(er) cu(m) tut(ore)/ in jegenwoirdicheiden der scepen(en) van loeven(e) gestaen/ hebben openbairlijck gekynt janne zweerts brueder/ der voirs(creven) gezuste(re)n in zijn deylinghe gebleven ende/ gevallen te zijne als vanden goeden die den selven/ brueder en(de) zust(er)s zweerts toecomen en(de) v(er)storven zijn/ bijder doot en(de) aflivicheit m(ar)grieten wijlen zweerts/ moeye des voirs(creven) brueders en(de) zust(er)s zweerts de/ goede hier naevolgen(de) Inden iersten een block lants/ geheeten luectervelt gelijck tselve block gelegen/ is inde p(ro)chie van meerhout ter plaetsen geheeten/ den do(n)nenbosch bijde goede henrickx alairts en(de)/ noch een eeussel met allen zijnen toebehoirten/ gelijck tselve eussel metten toebehoirten gelegen/ is te meerhout ter plaetsen geheeten netheldonck/ in ghenen broecke aen tshe(re)n strate op de selve/ goede tot behoef des voirs(creven) jans zweerts huers/ brueders met behoirlijcker manie(re)n en(de) v(er)thijdinge(n)/ renu(n)cie(re)nde en(de) v(er)thijdende en(de) [gelovende] huer af altoos/ genoech te doene zoe v(er)re zij den voirs(creven) janne/ zweerts in des voirs(creven) is yet te luttel gedaen/ hadden en(de) de voirs(creven) goede te weten(e) tvoirs(creven)/ block lants op [de weerde van] eenen philippus pe(n)ni(n)ck aen/ den gronthe(re) en(de) [van] drie stuv(er)s tot behoef vand(en)/ gasthuyse te meerhout en(de) tvoirs(creven) eeussel mette(n)/ toebehoirten op de weerde van xxvii stuvers/ aen de gronthe(re)n en(de) aen tgoidshuys van
//
lyelyendale ten behoirlijcken tijden te betalen(e) als/ voe(r) allet trecht en(de) last dair te vo(r)en uutgaen(de) als en(de)/ voe(r) alle ande(re) impedimenten en(de) calaengien voirtaen/ te warande(re)n als...nt Met condicien zoe v(er)re men/ bevynt uuten voirs(creven) goeden oft uut enighen/ vand(en) selven myn gaende dan voirs(creven) steet dat/ tproffijt van dien toebeho(r)en sal allen den voirs(creven)/ kynde(re)n zweerts ten gelijcken proffijte [te deylen] welcke/ bekyn van deylinghen de voirs(creven) de voirs(creven) geschiet/is en(de) gedaen is om dat de voirs(creven) jan zweerts vand(en) voirs(creven)/ goeden guedinghe en(de) vasticheit soude moegen doen/ in absen(cien) vand(en) voirs(creven) zijnen zwag(er)s en(de) zust(er)s en(de)/ dair inne erven en(de) vastigen Te weten(e) janne van/ laricker int voirs(creven) block lants gelegen als vo(r)e en(de)/ int voirs(creven) eeussel henricke daems voe(r) de wet/ te meerhout cor(am) graven hoeven januarii x