Cont zij allen lieden dat henrick meys apothecarijs/ en(de) lijsbeth de rivo zijn huysvrouwe in jegenwoirdicheiden/ der scepen(en) van loeven(e) gestaen hebben uutgegeven en(de)/ bekynnen uutgegeven te hebben voe(r) hen hue(re)n oiren/ en(de) erfgenamen balthasar de hont geheeten nijs/ en(de) anthonijnen van roesmeer zijnder huysvrouwe(n) hue(re)n/ erven en(de) nacomelinghen de goede hier naevolgen(de)/ Inden iersten een huys en(de) hof metten wijngairde scaelgie/ vetterie en(de) oick met eenen cleynen huyse staende/ aldair tusschen tvoirs(creven) woenhuys en(de) calckhuys ende/ allen den toebehoirten gelijck de voirs(creven) goede gelege(n) zijn/ niet verre van sinte margrieten capelle tegen ov(er) de/ voere aldair loopen(de) tusschen een huys en(de) hof metten/ toebehoirten dwelck goort pierairt geheeten van gheest/ huyvette(r) onlancx leden tegen den voirs(creven) henr(icke) meys/ gecocht heeft t(er) eenre de goede roelofs capellemans/ en(de) de goede voirmaels meest(er) felix de hont wijlen/ de hont nu toebehoiren(de) den kynde(re)n van zelcke t(er) ande(r)/ zijden comen(de) acht(er) aen den hof henricx tsherheyns/ geheeten stamelairt en(de) m(ar)grieten martoels zijnder/ huysvrouwen Item een planckier met eend(er) heymelijckheit/ en(de) allen den toebehoirten gelijck de voirs(creven) goede gelegen/ zijn op de voere voirs(creven) tegen over de voirs(creven) goede/ en(de) gelijck denijs wijlen m(er)celijs geheeten vander moele(n)/ de voirs(creven) goede in hueringhen gehouden en(de) bewoent heeft/ erflijck te houden en(de) te besitten op de erfvorweerden/ hier nae v(er)clairt Te weten(e) dat de voirs(creven) balthasar de/ hont anthonijne van roosmeer zijn huysvrouwe hue(re)/ oiren en(de) nacomelinghen teeuwighen daghen hebben/ en(de) behouden zullen hue(re)n wat(er)loop vander voirs(creven) scaelgien/ desselfs balthasairs de hont en(de) anthonijnen van roesmeer/ zijnder huysvr(ouwe) ov(er) en(de) doe(r) de erve des voirs(creven) goorts/ pierairts gelegen als vo(r)e Behalven dat de voirs(creven)/ balthasar de hont anthonijne van roosmeer zijn huysvr(ouwe)/ hue(re) erfgenamen noch possessuers der selv(er) goeden behalve(n)/

dat de selve balthasar de hont anthonijne van roesmeer zijn/

huysvrouwe hue(re) erfgenamen noch possesseurs der selv(er) goeden
//
goeden dair doe(r) niet en zullen moeghen ghieten anders/ dan reyn wat(er) en(de) oick alle regenwater dair doe(r) te loopen(e)/ It(em) dat de voirs(creven) balthasar de hont anthonijne van roosmeer/ zijn huysvr(ouwe) hue(re) erfgenamen en(de) possessuers der voirs(creven)/ goeden tvoirs(creven) cleyn huysken gelegen als vo(r)e tusschen/ tvoirs(creven) woenhuys en(de) calckhuys van nu voirtaen teeuwige(n)/ daghen houden zullen in goeden state en(de) rep(ar)acien ende/ int selve cleyn huysken teeuwigen dagen laeten woenen/ eenen armen mynssche nae inhouden der ordinan(cien)/ bij katlijnen wijlen van breedzijp moeder desselfs henricx/ meys en(de) bijden selven henricke meys geordineert behalve(n)/ dat de voirs(creven) balthasar de hont anthonijne van roosmeer zijn/ huysvr(ouwe) hue(re) erfgenamen oft possessuers der voirs(creven) goeden/ dien armen mynssche dair toe kyesen zullen moegen dien/ hen dat gelieven sal en(de) voirts erflijck te houden en(de)/ te besitten opten co(m)mer en(de) last dair te voren uutgaen(de)/ Te weten(e) de weerde van sesthien stuv(er)s erflijck aen/ div(er)se p(er)soenen ten behoirlijcken tijden te betalene ende/ op dien last dat de voirs(creven) goede metten huyse en(de)/ hove [en(de)] met allen den toebehoirten des voirs(creven) goorts pierairts/ gelegen als vo(r)e naist den voirs(creven) goeden tsamen ende/ ongezundert v(er)onderpant zijn voe(r) vijftich stuv(er)s erflijck/ toebeho(r)ende melchior de fromont ten behoirlijcken tijden/ te betalen welcke vijftich stuv(er)s erflijck de voirs(creven) henr(ick)/ meys en(de) lijsb(eth) de rino zijn huysvr(ouwe) gelooft hebben ongezund(er)t/ en(de) onv(er)sceiden van sint jansmisse baptisten naistcomen(de) by(n)ne(n)/ eenen ja(r)e dair nae volgen(de) vand(en) voirs(creven) goeden te quijten/ en(de) af te leggen en(de) de voirs(creven) goede dair af tontlasten(e)/ en(de) voirtaen op neghenthien rijns gul(den) goet ende/ ghinghe te wetene twintich silve(re)n pe(n)ni(n)gen geheeten/ stuv(er)s der mu(n)ten ons gened(ichs) he(re)n tsh(er)togen van/ bourg(oig)[nen] van brabant (et)c(etera) goet en(de) ghinghe voe(r) elcken/ der voirs(creven) rijns gul(den) ge(re)kent en(de) noch op sesthien/ gelijcke stuv(er)s erflijcke rinten alle ja(r)e te kersmisse/ te betalene den voirs(creven) henricke meys lijsbetten de/ rino zijnder huysvrouwen en(de) hue(re)n erfgenamen/ erflijck in nacomen(de) tijden Ende dierste betalinge/ dair af inne te gaene van kersmisse naistcomen(de)/ bynnen eenen jaire dair nae volgende en(de) niet
//
eer ende op den chijs en(de) last voirs(creven) hebben gelooft/ de voirs(creven) henrick meys en(de) lijsbeth de rivo zijn/ huysvrouwe voe(r) hen en(de) hue(re)n erfgenamen den voirs(creven)/ balthasar de hont anthonijnen van roesmeer zijnd(er)/ huysvrouwen hue(re)n erven en(de) nacomelinghen de/ voirs(creven) goede van allen ande(re)n letselen impedimenten/ en(de) calangien voirtaen te warande(re)n en(de) hier af altoes/ genoech te doene zoe v(er)re de voirs(creven) henrick meys/ en(de) lijsb(eth) de rivo zijn huysvrouwe in des voirs(creven) is/ yet te luttel gedaen hadden alsoe dat den voirs(creven)/ balthasar de hont anthonijnen van roosmeer zijnd(er)/ huysvrouwen en(de) hue(re)n erfgenamen tot eeuwighen dage(n)/ genoech sal moeghen zijn Met condicien dat de voirs(creven)/ balthasar de hont en(de) anthonijne van roosmeer zijn/ huysvrouwe de voirs(creven) neghenthien rijns gul(den) en(de)/ sesthien stuv(er)s erflijck desselfs henricx meys en(de)/ lijsbetten de rivo zijn huysvr(ouwe) zullen moeghen quijte(n)/ en(de) aflegghen wa(n)neer hen dat gelieven sal tot eenen/ oft te meer malen mair niet myn dan vijf rijns/ gul(den) erfl(ijck) dair af tot eenen male en(de) elcken pe(n)ni(n)ck/ dair af met achthien gelijcken pe(n)ni(n)gen ende met/ vollen chijse van eenen ja(r)e cor(am) blanckairt vyncke/ decembris xiiii