SAL8172, Akte: R°154.3-R°156.1 (213 van 546)
Akte R°154.3-R°156.1
Act
Datum: 1512-11-10
Transcriptie
2024-04-20 door Jos JonckheerNae dien ph(ilip)s pynnock lieuten(ant) des/
meyers van loeven(e) ende de same(n)coop(er)s/
des(er) stad hadde doen arresteren te loeven(e)/
alsulcken acht voederen wijns als pau/
wels van huffle coopman van wijne/
der stadt van mechlen hadde gheproeft/
en tegen gereden tonbehoirlicken/
plaetsen (et)c(etera) ende dat voe(r) alsulcken/
kue(re) alsmen bevi(n)den soude daer op/
staen(de) soe dat mits des(en) de voirs(creven)/
pauwels bijden raide daer o(m)me begeerdt/
te wesen aldair de voirs(creven) lieuten(ant) co(m)pareerde/
metten voirs(creven) samencoopers ende den selven/
te kynnen gaf hoe hy pauwels voirs(creven)/
hem grootelick misgaen hadde indien dat/
hij tegen gereden was zekere wijnen/
buyten der stadt ende die aldair
//
gedroncken buyten der stadt sonder die/ te laeten comen ten behoirlicken stapele/ dwelc es teghen trecht des(er) stadt stapele/ Concluderen(de) daer o(m)me dat hij daer/ aene verbuert heeft een(en) kuer van vijf/ rinsscheguld(en) hen des gedragen(de) totten/ rechte ende tot dien soe sustineerden/ e(n)nighe coopluyden van wijne der stadt/ van loven(e) Te weten(e) peter pollekens/ en(de) mathijs van steensele datz hij hen/
sculd(ich) zoude zijn te laeten kavelen een/
van alsucken vie(r) voederen wijns als de/
voirs(creven) pauwels selve seyde gecocht te/
hebben(e) tegen der stapelen recht van/
des(er) stadt hen insgelijcx gedragen(de) totten/
rechte Daerop de voirs(creven) pauwels a(n)twoirde/
seggen(de) dat hy wel kynde de wijnen gedro(n)cke(n)/
te hebben(e) en(de) tegen gereden te hebben(e) ende/
dat omtrent der loe buyten der stadt/
van loven(e) maer meynde dairaene/
n(iet) misdaen sonderlinghe aen dien vie(r)/
wagen(en) die hy tot mechelen steertscoop/
peertscoop gecocht hadde want dat/
zijn goet was en(de) selve zijn goet/
wel drincken mochte ter plaetsen dair/
hem dat beliefde hem des gedragen(de)/
totten rechte Ende aengaende den
//
anderen waghenen hoopt hy oeck niet/ mesdaen te hebben(e) want die ten stapele/ quamen zonder die by hem gecocht te/ te zijne oft e(n)nichssins iet daer voe(r)/ geboden te hebben(e) maer alleenlic die/ geproeft hadde uuyt goedertyerenheyt/ des waghemans oft coopmans der/ voirs(creven) wijnen Concluderen(de) daeromme/ ter contrarien van des meyers co(n)clusie/ ende den twee tavernieren iet te/ henweerts gehouden te zijne Dairop/ de voirs(creven) meye(r) lieuten(ant) metten same(n)coopers/ en(de) wijnluyden des(er) stadt van loeven(e)/ repliceerden seggen(de) want hy bekynde/ buyten die wijnen alzoe gedroncken/ en(de) teghen gereden te hebben(e) ende dat/ ter plaetsen en(de) dat ter plaetsen dair/ dat niet georloft en es dat hy dair/ aen verbuert heeft den kue(r) als vo(r)e/ en(de) aengaen(de) den vie(r) voederen by hen/ gecocht bleeck merckelick dat die te/ loven(e) binnen comen wa(r)en sonder dat/ de voirs(creven) pauwels van huffle die/ yegherens buyten landts hadde geweest/ coopen en(de) dat die anders niet gecocht/ en waeren dan in affnemen(e) vanden
//
stapelrechte des(er) stadt hen des gedragen(de)/ totten rechte Concluderende tot dien/ als vo(r)e dair op de voirs(creven) pauwels/ dupliceerde seggen(de) dat hy niet en/ meynde mesdaen te hebben(e) dri(n)cken(de)/ zijn goet dwelc zij(n) was noch oeck/ proeven(de) tgoet dat hem de coopman/ uuyt zijnder gr(ati)en liet proeven sonder/ tselve te coopen(e) oft daer voe(r) oick iet/ te bieden(e) Concluderen(de) als vo(r)e ter/ co(n)trarien van des meyers conclusie/ en(de) andere zijnen adhehere(n)te(n) versueken(de)/
in beyd(en) zijden recht en(de) terminatie/
En(de) nae dien den raide vand(er) stadt/
hem volcomelick geinformeert hadde/
vand(en) waghenluyden ende vercoope(re)n/
der voirs(creven) wijnen ende tot dien/
bemerckt trecht vand(en) stapele soe es/
getermineert en(de) uutgesproken dat de/
voirs(creven) pauwels sculd(ich) sal zijn den kuer/
van vijf rinsguld(en) op te leggen(e) ende te/
betalen(e) van alsulcken vie(r) voede(re)n wijns/
als hy buyten deser stadt op o(n)behoirlijcken/
plaetsen geproeft en(de) tegen gerede(n) heeft/
ende tot dien den wijntavernieren/
der stadt van loven(e) te laeten cavelen
//
een van alsulcken vie(r) waghen(en) wijns/ als hy steertscoops peertscoops te/ mechelen gecocht heeft verclaren(de) den/ selven dat alle grove wijnen die van/ opweert te loven(e) comen sculdich zijn/ stapelrecht te plegen(e) ten wa(r)en wijne(n)/ die by eenigen coopman van neerweert/ loeven(e) buyten den lande van brab(ant)/ opweerts gecocht wa(r)en sond(er) enigen/ roucoop t(er) eende(re) oft ter andere/ zijden daer inne behouden te hebben(e)/ oft e(n)nigen dronck hem gereserveert/ te zijne al sonder fraude en(de) argelist/ Gedaen inden vollen raide d(er) voirs(creven)/ stadt van loven(e) opten thyensten dagh/ der maent van novembri a(n)no/ xv[c] en(de) xii
//
gedroncken buyten der stadt sonder die/ te laeten comen ten behoirlicken stapele/ dwelc es teghen trecht des(er) stadt stapele/ Concluderen(de) daer o(m)me dat hij daer/ aene verbuert heeft een(en) kuer van vijf/ rinsscheguld(en) hen des gedragen(de) totten/ rechte ende tot dien soe sustineerden/ e(n)nighe coopluyden van wijne der stadt/ van loven(e) Te weten(e) peter pollekens/ en(de) mathijs van steensele dat
//
anderen waghenen hoopt hy oeck niet/ mesdaen te hebben(e) want die ten stapele/ quamen zonder die by hem gecocht te/ te zijne oft e(n)nichssins iet daer voe(r)/ geboden te hebben(e) maer alleenlic die/ geproeft hadde uuyt goedertyerenheyt/ des waghemans oft coopmans der/ voirs(creven) wijnen Concluderen(de) daeromme/ ter contrarien van des meyers co(n)clusie/ ende den twee tavernieren iet te/ henweerts gehouden te zijne Dairop/ de voirs(creven) meye(r) lieuten(ant) metten same(n)coopers/ en(de) wijnluyden des(er) stadt van loeven(e)/ repliceerden seggen(de) want hy bekynde/ buyten die wijnen alzoe gedroncken/ en(de) teghen gereden te hebben(e) ende dat/ ter plaetsen en(de) dat ter plaetsen dair/ dat niet georloft en es dat hy dair/ aen verbuert heeft den kue(r) als vo(r)e/ en(de) aengaen(de) den vie(r) voederen by hen/ gecocht bleeck merckelick dat die te/ loven(e) binnen comen wa(r)en sonder dat/ de voirs(creven) pauwels van huffle die/ yegherens buyten landts hadde geweest/ coopen en(de) dat die anders niet gecocht/ en waeren dan in affnemen(e) vanden
//
stapelrechte des(er) stadt hen des gedragen(de)/ totten rechte Concluderende tot dien/ als vo(r)e dair op de voirs(creven) pauwels/ dupliceerde seggen(de) dat hy niet en/ meynde mesdaen te hebben(e) dri(n)cken(de)/ zijn goet dwelc zij(n) was noch oeck/ proeven(de) tgoet dat hem de coopman/ uuyt zijnder gr(ati)en liet proeven sonder/ tselve te coopen(e) oft daer voe(r) oick iet/ te bieden(e) Concluderen(de) als vo(r)e ter/ co(n)trarien van des meyers conclusie/ en(de) andere zijnen ad
//
een van alsulcken vie(r) waghen(en) wijns/ als hy steertscoops peertscoops te/ mechelen gecocht heeft verclaren(de) den/ selven dat alle grove wijnen die van/ opweert te loven(e) comen sculdich zijn/ stapelrecht te plegen(e) ten wa(r)en wijne(n)/ die by eenigen coopman van neerweert/ loeven(e) buyten den lande van brab(ant)/ opweerts gecocht wa(r)en sond(er) enigen/ roucoop t(er) eende(re) oft ter andere/ zijden daer inne behouden te hebben(e)/ oft e(n)nigen dronck hem gereserveert/ te zijne al sonder fraude en(de) argelist/ Gedaen inden vollen raide d(er) voirs(creven)/ stadt van loven(e) opten thyensten dagh/ der maent van novembri a(n)no/ xv[c] en(de) xii
Nagekeken door: Walter Winnelinckx
Moderator: Walter Winnelinckx
Laatste update:: 2019-05-08 door kristiaan magnus