Cont zij allen lieden dat eustas doems zone/ wijlen henricx in jegenwoirdicheiden der scepen(en)/ van loeven(e) gestaen heeft uutgegeven ende/ bekynt uutgegeven te hebben joose van ov(er)beke/ nu ter tijt meye(r) te bierbeke een h(er)berghe geheeten/ den ynghel metten hove bogairt ende allen ande(re)n/ toebehoirten gelijck de voirs(creven) goede gelegen zijn ter/ mee(re)n inde prochie van bierbeke tusschen tshe(re)n strate/ in twee zijden ende den wouwe(re) aldaer ter derde(r)/ Te houden te hebben te besetten ende te gebruyken/ van half oochst naistcomen(de) eenen termijn van/ tweelf ja(r)en lanck due(re)nde deen nae dande(r) sonder/ middel volgen(de) Elcx jairs dae(re)nbynnen voe(r) en(de) o(m)me/ acht rijns guld(en) te xx stuv(er)s tsuck en(de) drie plecken/ den stuv(er) en(de) noch voe(r) en(de) o(m)me een mudde/ rocx goet ende payabel met wa(n)ne en(de) vede(re)n/ wel bereyt der maten van loeven(e) alle ja(r)e te half/ oochst te betalene den voirs(creven) eustas doems/ jairlijcx den voirs(creven) t(er)mijn lanck due(re)nde quolib(et)/ ass(ecutu)[m] Op de vorweerden ende condicien hier nae/ volgende Inden iersten dat de voirs(creven) joos van ov(er)beke/ jairlijcx in afslaghe vander voirs(creven) hueringhen betalen/ sal de chijsen ende pachten uuten voirs(creven) goeden/ gaende hier nae verclairt Inden iersten aen den/ grooten heylighengheest te loeven(e) twee mudden rocx/ It(em) aen den he(re) van chanteraine twee capuynen It(em)/ eenen capuyn aen hubrecht van bierbeke en(de) aen/ he(re)n pete(re)n van herbaix ridde(r) eenen capuyn ten behoirlijcken/ tijden te betalene It(em) is condicie dat de voirs(creven) joos van/ ov(er)beke de voirs(creven) h(er)berghe rep(ar)e(re)n sal nae zijnder gelieften/ ende dair af moeghen maken een ca(m) brouwca(m)me en(de)/ dair inne stellen en(de) maken cuypen ketelen brouwvate(n)/ en(de) alle tghene des den voirs(creven) joose van ov(er)beke gelieven/ sal It(em) voirts is condicie en(de) vorweerde dat/ de voirs(creven) eustas doems ten uutgaene vanden/ voirs(creven) t(er)mijne den voirg(enoemde) joose van ov(er)beke/ restitue(re)n en(de) v(er)nuegen en(de) betalen sal van alle/ tghene dat de voirg(enoemde) joos van ov(er)beke int rep(ar)e(re)n/ van maken van brouwgerecke en(de) des dair aen/ cleven sal moegen aen en(de) inde voirs(creven) goede/ doen sal ende dat tot sulcker so(m)men als/ de voirs(creven) joos van ov(er)beke alsdan bij eede v(er)claren/ sal dair aen in manie(re)n voirs(creven) v(er)leecht te hebben(e)/ en(de) dair mede gestaen sonder meer clairnissen dair af/ te moeten doen dairaf En(de) want de voirs(creven) joos/ van ov(er)beke den voirg(enoemde) eustas alsnu geleent/ heeft de so(m)me van tweelf rijns gul(den) te twintich/ stuv(er)s tstuck soe heeft gelooft de voirs(creven) eustas/ den voirg(enoemde) joose de voirs(creven) xii rijns gul(den) te restitue(re)n/ en(de) te betalene ten uutgaene vand(en) voirs(creven) t(er)mijne/ ass(ecutu)[m] Ende alle dese vorweerden cond(ici)[en] en(de) geluften voirs(creven)/ hebben gelooft (et)c(etera) cor(am) borch zedele(re) julii xi