Nae dien augustijn van muysen(e) comen is inde banck/ voe(r) meye(re) en(de) scepen(en) van loeven(e) ende v(er)socht als man en(de)/ mo(m)boer margrieten vand(en) bossche zijnre huysvr(ouwe) dat de/ p(ro)cur(eur) jans de la tappe acht(er)volgen(de) den vo(n)nisse bijden hee(re)n/ scepen(en) van loeven(e) opden xxi dach van junio lestleden/ gegeven voerts varen soude met dien vo(n)nisse genoech zijn/ oft alsoe v(er)re hij tselve vo(n)nisse niet en voldede dat hem/ die gelev(er)de goede inden voers(creven) vo(n)nisse begrepen volghen/ soude daerop henrick van raveschote als voersp(ra)ke des/ voers(creven) jans de la tappe seyde dat de selve jan de la tappe/ een man van buyten was en(de) dat de p(ro)cur(eur) desselffs hem/ niet en conste gehebben alst hem belieft Maer sustineerde/ eene(n) ande(re)n dach te hebben(e) om den selven te bringhen(e) dat/ de voers(creven) augustijn schuldich soude zijn te cesse(re)n totter tijt/ dat hem moeghelijck zijn soude den voerg(enoemde) janne bijder/ hant te bringhen(e) (et)c(etera) den voerg(enoemde) augustine v(er)sueken(de) aenden/ meye(re) dat hij den p(ro)cur(eur) vraghen soude oft dat sijn woerden/ wa(r)en Ende want gheen vanden p(ro)cur(eur)s die woerden aen hem/ draghen en wouden soe dede de voers(creven) p(ro)cur(eur) augustijn seggen/ alsoe v(er)re de voers(creven) jan de la tappe niet en quame noch die/ p(ro)cur(eur) van sijne(n) weghen dat hem die goeden aengewesen/ souden wordden Soe hebben die hee(re)n scepen(en) van loeven(e) ter/ manissen smeyers gewesen voe(r) een vo(n)nisse alsoe v(er)re de p(ro)cur(eur)/ des voers(creven) jans de la tappe niet en compt ten opstaen(e) van/ meye(re) en(de) scepen(en) dat den voers(creven) augustijne de gelev(er)de goede/ volghen sullen also v(er)re alst noch voe(r) scepen(en) comen is cor(am) eisd(em)