Nae dyen bij supplicatien den raide der stadt van loven(e)/ te kennen gegeven es van wegen jehennen moreels wed(uw)[e]/ jans wijlen lambrechts briede(r) als hij leefde ind(en)/(christ)offel dat zij groote schulden van(den) selven wijlen/ hue(re)n man hadde behouden soe van straetschult/ p(er)sonele renten en(de) ande(re) gehaelt staen(de) hueren/ houwel(ijke) in vollen stoele als yerst aen corneliss(en)/ ellens aen mouwte hondert lxxvii r(ins)g(ulden) aen goirde/ hermeys van coren(en) xvi r(ins)g(ulden) aen jan(ne) van hougairden/ van laken(e) xxxvi r(ins)g(ulden) aenden rentm(eeste)re ons hee(re)n/ skeysers en(de) aen hee(re) van s(in)[te] geertruyde(n) van/ schairhoute waer voe(r) hij jan borge bleven was/ voer henricke de pape zesse r(ins)g(ulden) aen(der) wed(uw)[e]/ meest(er) lambrechts woonen(de) opden cappellenberch/ xvi r(ins)g(ulden) aen jacoppe bodde van laken(e) xxvi r(ins)g(ulden)/ van boschpayen aen peete(re)n van ermbegem xvi r(ins)g(ulden)/ van boschpayen aen(den) rentm(eeste)re van heverle xi r(ins)g(ulden)/ ter causen van eenen coope van een(en) p(eer)de aen hubrechte/

loenijs joosen de jonge xii gulden ter causen/ vanden coope van een(en) p(eer)de aen hubrechte loenijs/ xxiiii karolusg(ulden) van boschpayen aen(den) rentm(eeste)re/ van heverle noch aend(en) selven xiiii karolusguld(en)/ van boschpayen noch thien gulden en(de) noch xxxi/ karolusg(ulden) aen(den) selven van boschpayen Item xii/ karolusg(ulden) voer de montcost van arnde hue(re)n/ sone woonen(de) tantwerpen Item der huysvr(ouw)[en]/ van henricke hueren sone gegeven xii karolusg(ulden)/ voer een(en) vrouwen onderriem der selver noch/ gegeven vii r(ins)g(ulden) min twee st(uvers) voer een(en) rinck
//
en(de) eenen pater noster Item aen henrick/ lambrechts hue(re)n sone dien hij hem te houwel(ijke)/ gaff aen cleede(re)n xxxii karolusg(ulden) en(de) xiiii d(eniere)/ en(de) twee halste(re)n die de selve jan tachter bleven/ was aent houden vanden lande bij hem gehouden/ sond(er) nochmeer dan [omtrint] xx karolusg(ulden) erffel(ijker) p(er)sonele/ rinten aen diversse p(er)soenen en(de) oyck sond(er) noch/ de lasten die real(ijck) uuyten (christ)offele jairl(ijcx) gaen(de)/ beloopen(de) wel jairl(ijcx) ter sommen van xxvii r(ins)g(ulden)/ Ende boven desen hebben(de) noch last van acht/ leven(de) kinde(re)n soe gehouwde soe ongehouwde/ te ond(er)houden en(de) te stellen en(de) noch voirt dat/ zij nae de doot van hue(re)n man wel betaelt heeft/ in schulden vijff oft sesse hondert karolusg(ulden)/ en(de) noch drie rinsguld(en) erffel(ijck) aen michielen/ truydens bij huer zedert de doot van hueren/ man afgeleet Ende dat huer alsoe nyet/ mogelijck en es de lasten te v(er)vallen en(de) thuys/ den (christ)offel geheeten te houden en(de) alsoe gescapen/ wa(r)e dat tselve huys soude tot vijlen prijse/ v(er)cocht werdden daer zij nu tselve wel soude/ weten tot goeden prijse te v(er)coopen Ende dwelck/ zij nyet wel en soude connen gedoen noch ten/ hoochsten bringen ten wa(r)e dat hue(re)n ombejaerde/ kinde(re)n mo(m)boeren werdden gestelt en(de) geordineert/ en(de) geauctorizeert om met huer en(de) den bejaerd(en)/ kinde(re)n tselve huys te moegen v(er)coopen en(de) den/ coope(re)n daer aff guedinge en(de) vasticheyt te/ doen(e) met alle gelueften daer toebehoiren(de) om met/ den penn(ingen) daer aff comen(de) de voirs(creven) p(er)sonele/ rinten aff te leggen en(de) de voirs(creven) schuld(en) te betalen/ nomen(de) daer toe janne zegers henr(icke) lambrechts/ en(de) h(er)ma(n)ne moreels Te meer oyck want/ der selver bijden testamen(te) bijden voirs(creven) janne/ lambrechts genoech eensdeels gelaten es de/ macht om tselve te moegen v(er)coopen oft/ belasten voir acht oft negen karolusg(ulden) erffel(ijck)/ blijcken(de) bij zeke(re)n instrumente daer aff wesen(de)/ geteekent bij hee(re)n willem(me) van hoerpmale
//
als vicecureyt van s(in)[te] peeters prochie/ en(de) openbair notar(is) vander daet v octobr(is)/ a(n)no xv[c] vier en(de) viertich soe dat dit v(er)sueck/ alleen(e) gedaen werdde ter meerde(r) v(er)sekerheyt/ vanden coope(re) en(de) om de questien te schouwen/ die anderss(in)[s] opt testame(n)t oft anderss(in)[s] mochten/ gemaict wordden Heeft den raidt voers(creven)/ de voers(creven) p(er)soen(en) gestelt als mo(m)boe(re)n ende/ geauctorizeert om te v(er)nemen oft de schuld(en)/ zijn alle gemaict bynnen den leven(e) van janne/ lambrechts en(de) dat zij van noode wa(r)e/ hue(re) goeden te moeten v(er)coopen en(de) daer aff/ voe(r) den raide rappoirt te doen(e) om dat gedaen/ voirt gedaen te wordden soe bevonden sal wesen/ te behoeren Ende dyen achtervolgen(de) want v(er)cleert/ werdde dat jan zegers totter mo(m)berijen nyet en/ wilde v(er)staen en(de) dat michiel vand(er) schoond(er)hagen/ en(de) herman moreels genoech daer aff kynnisse/ hadden die de mo(m)berije souden moegen aenveerden/ de welcke bijden raide voirs(creven) gehoirt sijn ende/ hebben v(er)cleert die selve stucken oversien en(de) gehoirt/ te hebben en(de) dat de stucken sulcke wa(r)en als die/ te kennen waeren gegeven geweest soe dat bijd(en)/ raide voirs(creven) daer op geledt tselve v(er)coop hen es/ geaccordeert Ende sijn de selve henr(ick) lambrechts/ michiel vand(er) schoend(er)hagen en(de) herma(n) moreels/ momboiren der voirs(creven) o(m)bejaerde kinde(re)n gestelt en(de)/ om des voirs(creven) is te moegen doen geauctorizeert en(de)/ daer inne te doen(e) en(de) te soecken(e) dmeeste p(ro)fijt/ vanden ombejaerde kinde(re)n In (con)s(ili)[o] opidi p(rese)nt(ibus)/ ambobus burg(imagistr)[is] rijck boxhoren scab(inis) et quasi/ pleno (con)s(ili)[o] julii xi a(n)no xv[c] xlviii