Allen (et)c(etera) dat wenceslaus aurifaber van colen heeft/ geconst(itueert) gheerde de gruyte(re) om alsulken vijf ryns/ guld(en) als een vrouwep(er)soen geheete(n) juete woenen(de)/ inder stad van bruessel hem sculdich es bij reden(e) van/ eender uuytspraken bijden wethoude(re)n der voirs(creven) stad/ van bruessel gegeve(n) inden oighst lestleden nae/ tenue(re) van eender acten dair af wesende metten/ costen dair op gegaen teysschen optebue(re)n en(de) tontfang(en)/ dair af quijt te schelden ende quitan(cie) te geven(e) die/ met rechte te vervolgen voir de voirs(creven) wethoude(re)n/ van bruessel oft elswair dair des van noode soude/ moegen wesen dair voe(r) te panden ende die panden/ met rechte texeque(re)n Ende voirts om alle zijne/ saken die hij soude moegen hebben uuytstaende/ in aenleggers oft verweerders stad tegen de voirs(creven)/ juete voir alle gerichten gheestelijck en(de) weerlijck/ te vervolgen te verwa(re)n te bescudden te bedingen/ te wynnen ende te verliesen getuygenisse d(aer) inne/ te leyden der wederp(ar)tien getuygen te sien swe(re)n/ die te batte(re)n te replice(re)n te duplice(re)n alsoe wel/ int principael als int accesseur Ende voirts alle/ pointen van rechte d(aer) inne te doen(e) ende te vorde(re)n (et)c(etera)/ Promittens ratu(m) salvo iusto calculo cor(am) buetsele/ baets septe(m)br(is) ii