Alsoe als ten vervolge henr(icx) banir als p(ro)cur(eur) magrieten/ wed(uw)[e] goirts wijlen werts geleyt zijnde nae des(er)/ stad recht voir sijn wettich gebreck uuyt crachte/ van scepen(en) brieve(n) van loeven(e) tot alle den goeden/ beyde have ende erve jans van dyeven ende/ meester peeters zelle soe wair die gelege(n) sijn/ met open(en) brieve(n) van des(er) stad gescreve(n) es geweest/ aen alle officie(re)n ende versocht zee(r) ernstelijck/ alle de selve goede te leve(re)n ende te doen volgen/ der voirs(creven) geleydder oft den bringer ons(er) brieve(n)/ in hue(re)n name Ende den voirs(creven) janne m(eester) peete(re)n/ en(de) oic peete(re)n colkies met hue(re)n wynne oft/ zij hen dair tegen hadden willen oppone(re)n/ dach van rechte op heden dienen(de) alhier te/ compare(re)n inde banck voir meye(re) ende scepen(en)/ van loeven(e) te bescheyden(e) tot welken dage/ gheen van hen noch p(ro)cur(eur) van hue(re)n wegen/ en comp(ar)eerde den voirs(creven) p(ro)cur(eur) der voirs(creven)/ geleydder compare(re)nde ende trecht voirt v(er)sueken(de)/ Soe hebbe(n) de scepen(en) van loeven(e) ter maniss(en)/ smeyers gewesen met vo(n)nisse nae dien hen/ behoirlijc gebleke(n) was bij r(e)scripte wout(er)s vand(en)/ dijke dien(er) tot rotselair de leveri(n)ge en(de)/ symoens bellens vorste(r) bynne(n) des(er) stad de/ dachbesch(eydinge) aenden voirs(creven) m(eester) peete(re)n en(de) peete(re)n
//
gedaen te zijne datmen den voirs(creven) geleydden/ vand(en) voirs(creven) goeden houden soude inde macht/ van zijnen scepen(en) brieve(n) soe verre alst noch/ voir hen scepen(en) comen was eisd(em)