Alsoe als ten vervolge peeters colkies als man ende/ mo(m)boir jouffr(ouwen) lijsbetten zedeleers wed(uw)[e] m(eester) vranx wijlen/ van dyeven die met scepen(en) brieven van loeven(e)/ overlang gepass(eer)t heeft en(de) houden(de) es twee/ en(de) twintich goud(en) rinsguld(en) erflijc aen ende/ op seke(re) en(de) diverse goede en(de) pande nae inhoudt/ d(er) selver brieve(n) d(air)af sijnde met brieve(n) van des(er) stad/ gescreve(n) es geweest aen den meye(re) van cumptich/ oft zijne(n) stadhoude(re) te kerckem ende versocht zee(r)/ ernstelijck alle deselve goede te leve(re)n ende te doen/ volgen den voirs(creven) peete(re)n oft den bringer ons(er) br(iev)[en]/ in zijne(n) name Ende stasse rabs katlijne(n) loenijs/ sijnder huysvrouwe(n) robbeerde loenijs en(de) hue(re)n wynne(n)/ oft sij hen dair tegen hadden willen oppone(re)n/ dach van rechte op heden dienen(de) alh(ier) te compare(re)n/ inde banck voir meye(re) ende scep(enen) van loeven(e) te/ bescheyden(e) aldair niemant gecompareert en es dan/ alleene de p(ro)cur(eur) vand(en) voirs(creven) robbeerde die hem
//
te rechte p(rese)nteerde den voirs(creven) peete(re)n compare(re)nde/ ende trecht voirt versueken(de) Soe hebben de scep(enen)/ van loeven(e) ter maniss(en) smeyers gewesen met vo(n)nisse/ nae dien hen behoirlijc gebleken was bij cleernissen/ gielijs eveloege bode te voet van des(er) stad de/ leveri(n)ge en(de) dachbesch(eydinge) behoirlijc geschiet te zijne/ datmen den voirs(creven) peete(re)n vanden voirs(creven) geleverde(n)/ goeden ho soe verre de voirs(creven) stas ende zijne/ huysvrouwe die houden houden soude inde macht/ van zijne(n) scepen(en) brieve(n) soe verre alst noch voir/ hen scepen(en) come(n) was cor(am) eisdem