Alsoe als ten vervolghe jacops witteman geleyt/ zijnde voir zijn wettich gebreck nae den rechte/ van des(er) stadt uut crachte van scepen(en) brieve(n)/ van loeven(e) tot allen den goeden beyde have en(de)/ erve jans wittemans soe wair die gelegen/ zijn gescreven es geweest met brieven van des(er)/ stad aen den meye(re) van t zichen(en) oft zijnen/ stadhoude(re) te thielt alle de selve goede te/ leve(re)n en(de) te doen volgen den voirs(creven) geleidden/ oft den bring(er) der voirs(creven) brieve(n) in zijnen name/ Ende den selven janne oft hij hem dair tegen
//
hadde willen oppone(re)n dach van rechte alhier te/ compare(re)n inde banck voir meye(re) en(de) scepen(en) van loeven(e)/ doen bescheiden aldair de voirs(creven) jan noch nyemant/ van zijnen wege en es gecompareert den voirs(creven)/ geleidden compare(re)nde ende trecht voirts versueken(de)/ Soe hebben de scepen(en) van loeven(e) nae dien hen behoirlijc/ gebleken heeft bij rescripte des [stadhouders] smeyers van zichen(en)/ te thielt voirs(creven) de voirs(creven) leveri(n)ge en(de) dach? besch(eidingen)/ nae inoudt der voirs(creven) brieve(n) gedaen te zijne ter/ manissen smeyers gewesen met vo(n)nisse datmen den/ voirs(creven) geleidden vand(en) voirs(creven) goeden houden soude/ inde macht van sijnen scepen(en) brieve(n) beleidde soe/ verre het noch voir hen scepen(en) comen es Eisd(em)