SAL7774, Akte: V°302.3 (562 van 1070)
Akte V°302.3
Act
Datum: 1488-03-24
Transcriptie
2024-04-04 door Magda van WinkelCondt zij allen lieden dat machiel van hocker/
zeele woenen(de) teghenhove in p(rese)ncia heeft ge/
nome(n) ende bekint genome(n) te hebben(e) tvijfte/
deel tegen willem(me) de brieve(re) zijne(n) zwag(er) tvijfte/
deel van eene(n) wynhove mette(n) huyse(n) hoven/
wynnen(de) landen en(de) ande(re) zijne(n) toebehoirte(n) gelege(n)/
teegenhove(n) aen de kerke ald(aer) tussche(n) de goede/
jans diericx en(de) de goede der cap(it)len van s(in)[te] pet(er)s/
te loven(e) Te houden te hebben van halfm(er)te lestlede(n)/
eene(n) termijn van xii ja(r)en lang due(re)nde deen/
nae dande(r) sond(er) middel vervolgen(de) elcx jairs/
dae(re)nbynne(n) om en(de) voi(r)e and(er)half mudde core(n)s/
pag(abilis) cu(m) va(nn)[o] mensu(r)e lovan(iensis) alle ja(r)e ts(in)[t] andriess(mess)[e]/
ap(oste)le te betalen(e) en(de) te love(n) te leve(re)n quol(ibe)t ass(ecutu)[m]/
It(em) es voirw(eer)de dat de voirs(creven) machiel jairlijcx/
zijne(n) voirs(creven) t(er)mijn due(re)nde sond(er) afslach vand(en)/
voirs(creven) pachte betale(n) sal den co(m)mer die de voirs(creven)/
willem van zijne(n) voirs(creven) deele sculdich es alsoe/
in tijts dat hem noch zijne(n) deele d(aer)af gheene/
scade en come It(em) es voirw(eer)de dat elke p(ar)tie/
ten yerste(n) vi ja(r)en sal moegen sceyden behalve(n) dat/
de ghene die sceyden wilt den ande(re)n een jaer te/
voi(r)en sal moeten cu(n)digen It(em) es voir[It(em) es voirw(eerde) en(de) heeft geloeft de voirs(creven) machiel soe
wa(n)neer dappele(n) en(de) peren wel geraect sulle(n) zijn den
voirs(creven) willem(me) te geven(e) een mudde appele(n) en(de) een
sist(er) peren en(de) altoes nae gelande die geraken sulle(n)] Ende dese/
voirw(eer)den (et)c(etera) Cor(am) m(athia) berghe vync m(ar)cii xxiiii
Nagekeken door: Jef Willemsens
Moderator: Jef Willemsens
Laatste update:: 2018-07-16 door The Administrator