Item jacop trouwa(n)t en(de) wille(m) [vacat] cuype(r) zijn zwag(er)/ ter eend(er) zijde(n) en(de) mychiel van espe(n)t t(er) ande(re) die tege(n) mal/ cande(re)n zeke(r) gescil en(de) questie hebbe(n) gehadt om een/ huys mette(n) toebeh(oirten) gelegen in s(in)[te] qui(n)tenstrate tussche(n)/ de goede gorijs valgaerde(n) ter eenre zijde(n) en(de) de goede/ pet(er)s de raymake(re) ter ande(re) d(aer)inne elke der voirs(creven)/ p(ar)tien meynde te zijne gericht te weten(e) de voirs(creven)/ yerste p(ar)tie met hue(re)n adhe(re)nten mits successie(n) van/ wilen jouffr(ouwen) lijsbeth raymakers huer(er) moyen en(de)/ dande(r) p(ar)tie bij crachte van testame(n)te der selver/ jouffr(ouwen) lijsbeth die dat des voirs(creven) mych(iels) wive hadde/ gemaict Sijn de voirs(creven) p(ar)tien bij tusschen spreken(e)/ en(de) onderwijse vanden raide vand(er) stadt en(de) ande(re)n/ vriende(n) ov(er)comen en(de) v(er)accordert en(de) hebbe(n) de voirs(creven)/ gezwage(re)n den voirs(creven) machiele ende zijne(n) wive/ overgegeve(n) ende v geaccordeert te voirde(r) gemerct/ dat d(aer)op den huwelijc tusschen den voirs(creven) machiele/ en(de) zijne(n) wive toegegaen es sond(er) nochtan int/ gealleg(eer)t testame(n)t der voirs(creven) jouffr(ouwen) lijsbeth te/ accorde(re)n d(aer)af zij merckelijc p(ro)testeerde(n) dat zij/ houden sulle(n) en(de) besitte(n) voir hen en(de) hue(re) nae/ comelinge tvoirs(creven) huys mette(n) toebehoirte(n) In/(con)s(ili)[o] m(ar)cii xviii