Item jans oskens van lyere in jegewoirdicheit der scepen(en) van/ loven(e) gestaen heeft gelooft voer hem sijn erfgename(n) ende nacomeli(n)ge(n)/ ja(n)ne van pulle sine(n) erfgename(n) en(de) nacomeli(n)ghen ende sijn goede/ van scone(n)berghe ende van wesemale tot eeuweghen daghen te/ ontheffen en(de) scadeloes te houden vanden tweenderde ghedeelten/ van dien xxx mudde(n) rox erflix pachts die de bastarde i kijnde(re)/ henrix wilen pape van wynghe en(de) vande(n) tweenderde gedeelten/ van ii mudden en(de) tween moelevate(n) rox erflix pachts die de huyse/ arme van wynghe den altaer van ons(er) vrouwen en(de) van s(in)te jorise/ en(de) de fabrike vand(er) kerken van wynghe aen en(de) op de voirs(creven) goede/ houdende sijn Ende sal de voirs(creven) jan oskens den voirs(creven) ja(n)ne van/ pulle nae de doet d(er) joffr(ouwe) spapen wedewe henrix wile(n) pape d(aer)/ voe(r) behoirleke vesticheit doen ende setten altoes also verre als/ de voirs(creven) jan oskens vast sal staen inde goede van wynghe die/ hij gecocht heeft Ende oft dat den selven ja(n)ne oskens alsdan niet/ geboe(re)n en mocht soe sal de selve jan oskens van deser geluften/ quijt en(de) ongehouden sijn cor(am) eisdem borch(oven) keyenoege oct(obris) vi