Item alse vander goedinghen van desen vijfthien mudde(n)/ rogs staphans voirscr(even) es claerlic gevorwerdt dat de/ brieve en(de) goedinghe d(aer) af alhier selen blive(n) ligghen tot/dier meyni(n)ghen [aen dier tijt dat joffr(ouwe) machtelt weduwe henr(icx) wile(n) spape va(n) wynge va(n) live t(er) doet come(n) sal sijn en(de) [dan] sond(er) bynne(n) dien tijt yet d(aer) af te eyssche(n)] En(de) gevielt also dat de vors(creven) ja(n)ne oskons in/ va(n) e(n)nigen tijden toecomende crot hijnder gebreck oft letsel/ toeq(ua)me oft gedaen worde aende goede van wynghe voe(r)s(creven)/ gelijc en(de) also v(er)re de selve jan oskens voe(r) meye(re) en(de) scepen(en)/ va(n) loeven daer in [opte(n) dach va(n) heden] gheerft is also dat steet/en(de) begrepe(n) is aen dander side dit blat o(m)meghekeert/oft [oft] dat de(n) voirs(creven) jan oskens inde voirs(creven) goede niet/ vast en stonde mids dat de tochtersse noch leeft van/ ene(n) deel d(er) vors(creven) goede [noch leeft] en(de) hem oec in deel oft in/ al de selve goede met rechte afgewonne(n) worde(n) datmen/ alsdan de vors(creven) brieve van des(er) goedinghen vande(n) vors(creven)/ xv mudde rogs erflic de(n) vors(creven) janne va(n) pulle niet/ ov(er)gheven en sal voe(r) aen dier tijt dat tvors(creven) gebreck/ de(n) vors(creven) janne oskens afgedaen sal zijn En(de) [En(de)] dat de selve/ jan oskens inde selve sine goede na inhebbe(n) va(n) zijnre/ goedinghe(n) peysselic beruste(n) moghe en(de) oft des niet en/ geschiede en(de) also de(n) vors(creven) janne oskens de(n) tvors(creven) gebreck/ niet afgedaen en worde so salmen dan de(n) vors(creven) janne/ oskens de vors(creven) brieve vande(r) vors(creven) xv mudde(n) rogs erflex/ pachts in sine(n) hande(n) wed(er) ov(er)gheve(n) sond(er) de(n) vors(creven) janne/ va(n) pulle e(n)nich recht [d(aer) in] inde vors(creven) xv mudde rogs yet rechts/ te hebbe(n) oft te behouden borch(oven) keyen[o(g)e] oct(obris) vi