It(em) machtelt van wynge weduwe vrancx wijle(n) van meerbeke/ in p(rese)ncia heeft genome(n) en(de) bekint genome(n) te hebben(e)/ tegen henricke vand(er) horst als procur(eur) des goidsh(uys) vander/ banck thoff des voirs(creven) goidshuys gelegen te meerbeke voirs(creven)/ mette(n) huysen hove(n) wynnen(de) lande(n) beempde(n) eeussele(n) ende/ allen ande(re)n toebehoirte(n) als hier nae volgen(de) es Inden/ iersten een boender beempts int berthe(m) broeck It(em) (½) boender/ in thonijs haghe It(em) v dach(mael) beempts inde diebrugge It(em)/ ond(er)half dach(mael) beempts opt broeclant It(em) een boender/ beempts op triefkenslant It(em) vi dach(mael) beempts achter/ thoff tott(er) beken tussche(n) woute(re)n vynck en(de) goirt streke It(em)/ omtrint ii boende(r) soe bosch soe beempts gelege(n) over de beke/ tussche(n) woute(re)n vync en(de) den goede(n) der drievuldich(eit) inde(n)/ bruel te loeven(e) den voirs(creven) goidsh(uyse) toebehoiren(de) Te houden/ te hebben en(de) te wynne(n) van half m(er)te naestcomen(de) eene(n)/ t(er)mijn van xii ja(r)en lanck due(re)nde deen nae dander zond(er)/ middel v(er)volgen(de) Elcx jairs d(air)enbynne(n) de voirs(creven) lande om/ en(de) voir lvi mudden en(de) vi halste(re)n rox goet en(de) payabel/ der mate(n) van loeven(e) met wanne en(de) vloghele(n) wel/ bereyt alsulke(n) core(n) als jairlijx opde voirs(creven) lande wassen/ sal tsint andriesmisse ap(oste)ls te betalen en(de) int voirscr(even)/ goidsh(uys) oft hier in haer her berghe te loeven(e) te leve(re)n/ m(ijnre) vrouwen vand(er) banck oft hue(re)n geco(m)mitteerde(n) quolib(et)/ ass(ecu)[tu(m)] Ende de voirs(creven) beempde(n) om en(de) voe(r) acht gripe(n)/ te xl pl(a)c(ken) tstuck tsinte mertensmisse te betale(n) als vo(r)e/ It(em) sal de voirs(creven) machtel de voirs(creven) lande wynne(n) ende/ werve(n) wel en(de) loflijc gelijc reengenoete(n) bove(n) ende/ bened(en) ende allet stroo vande(n) voirs(creven) goede(n) comen(de) sal/ de voirs(creven) wynne jairlijx int voirs(creven) hoof etten met sijne(n)/ beesten ende te meste maken en(de) dat vue(re)n opde voirs(creven)
//
lande ten behoirlijken tijde alsoe wel opde verste als/ op de naeste tslants meeste(n) prouffijte It(em) es vorweerde/ soe wa(n)ner datme(n) int voirs(creven) hoff ende huysinge aldair/ ty(m)me(re)n metsen decken oft plecken sal dat dan de voirs(creven)/ wynne den wercluden den montcost geve(n) sal en(de) mijn/ vrouwe voirs(creven) de dachue(re)n ende alsmen dair werct sal/ de voirs(creven) wynne eene(n) knape doen om de selve werclude(n)/ te hulpen It(em) sal de voirs(creven) wynne jairlijx int voirs(creven) hooff/ leve(re)n tachtentich goeder cusbaer bussele(n) walme(re)n om de/ huysinge vande(n) voirs(creven) hove mede te decken ende desgelijcx/ de dachroede(n) ende theene(n) daerme(n) alsdan aende huysinge/ behoeve(n) sal It(em) salle(n) de voirs(creven) wynne de voirs(creven) beemden/ wel en(de) loflijc grave(n) en(de) ryolen en(de) de beken veghe(n) als/ zijs te doen sulle(n) hebben op sijne(n) cost alsoe datt(er) goidsh(uys)/ gheen schade af en hebbe ende die ten eynde vande(n)/ voirs(creven) t(er)mijne wel en(de) loflijc gegrave(n) en(de) gerioelt late(n)/ It(em) sal de voirs(creven) wynne alle ja(r)e setten opde voirs(creven) goede/ xxv goeder cusbaer levender willege(n) poote(n) bynne(n) tijts/ alst behoirt ten meeste(n) orbe(re) ende prouffijte des voirs(creven)/ goidsh(uys) It(em) sal de voirs(creven) wynne de h(er)strate(n) en(de) ande(re)/ strate(n) oft wegen tegen oft aen de voirs(creven) goede liggen(de)/ vermake(n) en(de) houde(n) wel en(de) loflijck zonder mijnder vrouwe(n)/ oft conve(n)te cost It(em) sal de voirs(creven) wynne alle de verdroechgde/ willigen oft ande(re) boome(n) die niet te v(er)ty(m)me(re)n en doegen/ moege(n) afhouwe(n) vande(n) voirs(creven) goede(n) en(de) voe(r) elc twee leven(de)/ pooten sette(n) vande(n) selve(n) arde It(em) sal de voirs(creven) wynne alle/ leem savel steene oft ty(m)merhout d(air) omtrint hale(n) datme(n)/ aldair tot eenige(n) wercke aende huysinge voirs(creven) behoeve(n) sal/ It(em) sal de voirs(creven) wynne alle den chijs en(de) pacht uuyte(n) voirs(creven)/ goeden gaende betale(n) ten tijde alsme(n) die schuldich es te/ betalen sonder afcorten des voirs(creven) es uuytgesceyde(n) een
//
mudde rocx der zielmessen van meerbeke die sij oic/ betale(n) sal dwelcme(n) hue(r) afcorte(n) sal aen hue(r) pacht/ It(em) sal de voirs(creven) wynne tot sijne(n) laste jairlijx leve(re)n/ den voirs(creven) t(er)mijn lanck due(re)nde op des goidshuys wijng(ar)de/ een duysent goeder wijng(ar)tstake(n) It(em) en sal de voirs(creven)/ wynne bynne(n) den lesten drie jare(n) gheen lant moeghe(n)/ hoervruchte(n) dan alleene (½) boender met erwete(n) te besette(n)/ ten lesten jare It(em) waert alsoe dat god verhueden/ moet dat aende voirs(creven) goede eenighe schade gesciedde/ van tempeeste oft gemeyne(n) orloghe oft oick herwaert/ dair af soude de voirs(creven) vrouwe van des voirs(creven) goidshuys/ wegen hem [hue(r)] restoir doen do gelijc ande(re) he(re)n ende p(re)laten/ hue(re)n pechtene(re)n doen sullen boven en(de) benede(n) It(em) sal/ de voirs(creven) wynne ten eynde van sijne(n) voirs(creven) t(er)mijne alle/ de voirs(creven) lande laten gelijck zijse hijse vonden tot sijne(n)/ aencome(n) Te weten(e) drie boend(er) lants gelege(n) opden/ houtvloer It(em) noch een boender op berthe(m) boschs It(em) noch/ een bosch [bloc] op berthe(m) bosch houden(de) vi dach(mael) It(em) ii boend(er) lants/ gelegen aende(n) necwinkel It(em) x dach(mael) in twee stucken/ gelege(n) opde(n) peters berch It(em) een half boend(er) lants gelege(n)/ opt velt geheete(n) to(m)mevelt It(em) vii dach(mael) geleg(en) voe(r) thoff/ It(em) i(½) dach(mael) in twee stucken gelege(n) aende coemans willige(n)/ alle met rogge besait op viere getidige vore wel ende/ loflijc It(em) den zomer art te weten(e) twee boend(er) gelege(n)/ op gasenheide tussche(n) de goede wijle(n) arnts vyncke ende/ de goede jans roubloet It(em) i(½) dach(mael) lants gelegen tussche(n)/ die goede des voirs(creven) wijle(n) aerts in beide sijden It(em) ii(½) boend(er)/ lants gelege(n) opt selve velt geheete(n) trieskens lants It(em)/ een dach(mael) lants van comans lande neve(n) trieskens/ lande gelege(n) It(em) drie boend(er) lants gelege(n) opde(n) peters borre/ tussche(n) die lande henricx floetkeyns It(em) vi dach(mael) lants/ gelegen opt selve velt tussche(n) die lande vand(er) drievuldich(eit)
//
ind(er) bruel te loeven(e) It(em) v boend(er) en(de) een dach(mael) lants/ gelege(n) int bloc tegen die porte It(em) een dach(mael) lants gelege(n)/ opde p(er)re It(em) v dach(mael) lants gelege(n) opde(n) to(m)men It(em) noch drie/ vierdel lants aldair gelege(n) It(em) een boend(er) lants gelege(n)/ opt spicvelt bijd(er) meren It(em) noch i(½) dach(mael) lants al storte/ al eens o(m)me gedaen It(em) die brake sal hij geheel late(n)/ te weten drie boend(er) lants gelege(n) acht(er) bosmans hoff/ gehete(n) trieskenslant tussche(n) die lande(n) vand(er) drievuldich(eit)/ voirs(creven) It(em) vii dach(mael) en(de) lvi roede(n) lants gelege(n) te winxele/ aenden diesputte It(em) ix boend(er) lants gelege(n) opde(n) necwinckel/ It(em) drie dach(mael) lants gelege(n) aen comans willege(n) It(em)/ noch opt selve velt drie viere(n)deel lants It(em) (½) boender/ lants voe(r) die porte vande(n) hove gelege(n) It(em) noch v d vire(n)del/ lants voe(r) de deselve porte gelege(n) It(em) xl roede(n) lants dair/ aen gelege(n) It(em) noch een boend(er) lants gelege(n) opde(n) p(er)re/ in drie stucke(n) It(em) sal die voirs(creven) wynne de voirs(creven) lande/ houde(n) en(de) hoeden van grebben en(de) oft dair eenige/ inne wa(r)en oft quame(n) in toecomen(de) tijde die sal de/ voirs(creven) wynne slichte(n) en(de) maken datter die ploech/ sal overgaen alsoe v(er)re alsme(n) gedoen can bynne(n) den/ t(er)mijne due(re)nde It(em) es vorweerde gevielt soe dat god/ verhueden moet dat dair e(n)nige scade van brande/ aendie huysinge gesciede vande(n) hove ende dat dat toequame/ bij ocsuyne vanden voirs(creven) wynne oft van sijne(n) wege(n) oft huysgesinne/ bynne(n) sijne(n) t(er)mijne in dien gevalle sal de voirs(creven) wynne de(n)/ voirs(creven) wynne goidshuyse geve(n) hondert licht(er) gulden(en) te thien stuv(er)s/ tstuck oft een ande(r) huys doen make(n) alsoe goet en(de) groet alst/ te vore was It(em) es vorwerden waert sake die voirs(creven) p(ar)tien/ van malcande(re)n sceiden woude(n) ten uutgaenge vanden voirs(creven)/ t(er)mijne dat sij dat malcande(re)n een jair te vo(r)e opsegge(n) sullen/ It(em) noch es vorweerde dat die voirs(creven) wynne hebben sal den afval/ alme(n) dair trunc en(de) dan sal hij moete(n) setten op die voirs(creven)/ goede thien poten vanden besten ten behoirlik(en) tijde ende die
//
verdue(re)nde wel en(de) loflijc It(em) noch es vorweerde dat die/ voirs(creven) wynne ten lesten jare allet mest inde messie sijnde/ uut voere(n) sal voer kersmesse tslants meeste(n) proffijte It(em)/ es vorweerde dat die voirs(creven) wynne sal doen den voirs(creven)/ goidshuyse acht carweid(en) alle ja(r)en en(de) dies sal de voirs(creven)/ wynne hebben eene(n) tabbaert laken oft een mudde rocx/ dair voe(r) It(em) noch es vorweerde dat de wynne geve(n)/ sal alle ja(r)e mijnd(er) vrouwe(n) voirscr(even) te sinxene(n) eene(n) hamel/ vande(n) beste(n) noch vande(n) quaetste(n) It(em) noch es vorweerde oft/ die wynersse aflivich worde bynne(n) desen middelen tijde/ dat dan die ghene die thoff behoude(n) wille die sal/ moete(n) sette(n) borgen dair m(ijn) vrouwe oft convent mede te/ vreden sij(n) sal oft alsoe vele als seventich crone(n) eens/ en(de) dat hij dan thof behoude(n) sal den voirs(creven) t(er)mijn due(re)nde/ It(em) noch es vorweerde dat allet doeft dat in die/ bogaerde wassen sal dat sal m(ijn) vrouwe hebbe(n) deen helicht/ en(de) m(ijn) vrouwe sal setten eene(n) leser alsme(n) dair lesen sal/ en(de) die wynne sal den lesere den mont cost geve(n)/ en(de) m(ijn) vrouwe de dachue(re)n en(de) die wynne sal m(ijnre) vrouwe(n)/ deel int voirs(creven) goidsh(uys) bringe(n) It(em) es noch vorweerde dat/ de wynne halen sal alle ja(r)e drie duysent rijs en(de)/ viii wissen houts ende een duysent staken voir sij(n)/ acht carweyen en(de) dair voe(r) sulle(n) die viii carweyen/ v(er)smelten It(em) alsme(n) dair ty(m)mer moet dan sal die/ wynnersse den afval hebben voe(r) huer aen hale(n) It(em) noch/ es vorweerd(e) dat die wynnersse alle jare geve(n) sal/ te sinxen(en) ix pont boteren te weten(e) elcker jouffr(ouwen) een/ pont It(em) noch heeft de voirs(creven) machtel genome(n) en(de)/ bekint genome(n) te hebben tegen den voirs(creven) henr(icke) als/ procur(eur) des goidsh(uys) vand(er) banck voirs(creven) de thiende des/ voirs(creven) goidsh(uys) gelege(n) ind(en) dorpe van berchsem in al der/ vuegen en(de) manie(re)n gelijc de voirs(creven) goidsh(uys) die aldair
//
heeft ende houden(de) es Te houden en(de) te hebben den tijt en(de)/ t(er)mijn voirs(creven) Elcx jairs om en(de) voe(r) thien mudden/ rocx en(de) thien mudden gersten al goet en(de) payabel/ cu(m) va(n)no et pe(n)na der maten van loeven(e) tsint andries/ misse ap(oste)ls te betale(n) en(de) te loeven(e) te leve(re)n als voirs(creven) steet/ It(em) sal de wynne die voirs(creven) thiende vuere(n) int hoff voirs(creven)/ ende die voesteri(n)ge aldair eetten en(de) slijten sond(er) e(n)nich/ stroe dair uut te voeren oft laten voere(n) in e(n)nig(er) manie(re)n/ Ende alle dese vorweerd(en) (et)c(etera) cor(am) scoenvorst nausnyde(re)/ januarii xxii