SAL7381, Akte: R°246.3-V°246.1 (518 van 883)
Akte R°246.3-V°246.1
Act
Datum: 1488-01-22
Transcriptie
2024-03-25 door Greet FobletsIt(em) jan ende zander vand(er) roost gebruede(re)n sonen wijlen/
jans lenart de custe(re) als man en(de) mo(m)boir lijsbetten/
vand(er) roost sijns wijfs sust(er) d(er) voirs(creven) gebruede(re)n/
ende sebastiaen vand(er) roost oem d(er) voirs(creven) kinde(re)n en(de)/
oick oem vande(n) ande(re)n hue(re)n bruede(re)n te weten(e) van/
bertelen huben(e) henr(icke) en(de) gielise vand(er) roost absent/
sijnde met clase van hug(ar)den cousmake(re) alle beyde/
als mo(m)boire(n) van allen den selve(n) bruede(re)n en(de) suste(re)n/
in p(rese)ntia hebben gekint gelijdt en(de) gecleert bij hue(re)n/
besceydenh(eit) dat hen kinlijck es dat de voirs(creven) giel(ijs)/
die de joncste es en(de) bove(n) de xii ja(r)en niet oudt/
niet meer goeden en heeft dan tgene des hem van/
vad(er) en(de) moeder verstorve(n) es en(de) dat dat niet/
meer en gedraicht dan tsevenste deel van achtien/
croone(n) en(de) xx stuvers oft dair omtri(n)t erflick gedragen(de)
//
ten hoochsten voir tselve sevenste gedeelte vanden voirs(creven)/ gielise omtri(n)t drie rinssche gulden(en) en(de) iiii(½) st(uvers) erfl(ick)/ Clairde(n) voirt dat niet wel moegelijck en wa(r)e/ den selve(n) gielise mette(n) jairlijcsche(n) rinte(n) van dien voirt/ te moege(n) come(n) in e(n)nig(er) redelijcker wijs noch hem/ die noch in sijn leeringe es en(de) oick all wa(r)e hij/ uut sijnd(er) leeringe(n) dair op e(n)nichssins te conne(n) ont/ dragen oft bij leni(n)ge cleede(re) en(de) scoene te moegen/ crijgen ende dat hem orberlijcker wa(r)e om hem te bat/ te moege(n) ontdrage(n) sijn gedeelte in lijfrinte(n) te co(m)mite(re)n/ om de meer jairlijcsche rinte(n) tsijne(n) p(ro)uffijte ende suste(n)/ tacien te moegen crijgen Soe hebben sij als naiste/ vrinde oem en(de) mo(m)boir desselfs gielijs geconsenteert/ ende voir den meesten orbe(re) van hem dat men tselve/ sijn kintsgedeelte pe(n)neweerde en(de) ten hoochste(n) bringe/ ende dat men de pe(n)ni(n)gen d(air)aff comen(de) (con)v(er)te(re) in/ lijfrinte(n) tsijne live op dat hij bij den jairlijcsche(n) rinte(n)/ van dien te bat hem ontdragen behulpen ende heven/ comen moege Ende soe wes van dien om hier/ toe te come(n) gedaen sal wordden int v(er)coope(n)/ ende aenlegge(n) als vo(r)e dat hebben sij alsnu voir alsda(n)/ geapprobeert geratificeert en(de) gewillecoert als sijn naiste/ vrinde en(de) maghe en(de) v(er)claert te wesen sijne(n) meeste(n)/ orbe(re) salich(eit) en(de) p(ro)uffijt cor(am) vynck nausnyde(re) januarii/ xxii
//
ten hoochsten voir tselve sevenste gedeelte vanden voirs(creven)/ gielise omtri(n)t drie rinssche gulden(en) en(de) iiii(½) st(uvers) erfl(ick)/ Clairde(n) voirt dat niet wel moegelijck en wa(r)e/ den selve(n) gielise mette(n) jairlijcsche(n) rinte(n) van dien voirt/ te moege(n) come(n) in e(n)nig(er) redelijcker wijs noch hem/ die noch in sijn leeringe es en(de) oick all wa(r)e hij/ uut sijnd(er) leeringe(n) dair op e(n)nichssins te conne(n) ont/ dragen oft bij leni(n)ge cleede(re) en(de) scoene te moegen/ crijgen ende dat hem orberlijcker wa(r)e om hem te bat/ te moege(n) ontdrage(n) sijn gedeelte in lijfrinte(n) te co(m)mite(re)n/ om de meer jairlijcsche rinte(n) tsijne(n) p(ro)uffijte ende suste(n)/ tacien te moegen crijgen Soe hebben sij als naiste/ vrinde oem en(de) mo(m)boir desselfs gielijs geconsenteert/ ende voir den meesten orbe(re) van hem dat men tselve/ sijn kintsgedeelte pe(n)neweerde en(de) ten hoochste(n) bringe/ ende dat men de pe(n)ni(n)gen d(air)aff comen(de) (con)v(er)te(re) in/ lijfrinte(n) tsijne live op dat hij bij den jairlijcsche(n) rinte(n)/ van dien te bat hem ontdragen behulpen ende heven/ comen moege Ende soe wes van dien om hier/ toe te come(n) gedaen sal wordden int v(er)coope(n)/ ende aenlegge(n) als vo(r)e dat hebben sij alsnu voir alsda(n)/ geapprobeert geratificeert en(de) gewillecoert als sijn naiste/ vrinde en(de) maghe en(de) v(er)claert te wesen sijne(n) meeste(n)/ orbe(re) salich(eit) en(de) p(ro)uffijt cor(am) vynck nausnyde(re) januarii/ xxii
Nagekeken door: Greet Stevens , Jos Jonckheer
Moderator: Greet Stevens
Laatste update:: 2017-01-04 door Xavier Delacourt