It(em) pet(er) haveloos t(er) eende(r) wout(er) en(de) gort potent gebruede(re)n/ voir hen ende katlijnen hue(re)r sust(er) absent sijnde die zij hier
//
inne geloven te vervane t(er) ande(re) en(de) jan van kiesekem t(er) derde(re)/ zijn met malcande(re)n ov(er)comen bij toedoen(e) ende middele van/ vrinde(n) d(air) toe gebeden van der cont(ri)butien d(er) costen en(de) lasten van/ gedinge die wout(er) troye en(de) jacop van vertrijke gehadt ende/ geleden hebben inden gedinge te berchssem tegen goirde van/ kessele van eene(n) mudde corens erflijc op zekere goede aldair die/ de voirs(creven) pet(er) haveloos v(er)cocht hadde den voirs(creven) van veertrijke/ dair aff elc hue(re)r sijne(n) coepe(n) genoechdoen en(de) wairscap hadde/ gelooft boven en(de) buyte(n) welke wairscapen de selve coope(re)n met/ rechte verloren hadden tegen den voirs(creven) van kessele eenmudde/ corens erflijc en(de) insgelijcx vanden parte en(de) advena(n)te/ dat de selve ii[te] en(de) derde p(ar)tie sculdich wa(r)e te dragen(e) als/ oir en(de) erfgename(n) d(er) gheenre dair tusschen de voirmaels de/ voirs(creven) goede gedeylt hadden geweest en(de) v(er)looft te gelijken/ verliese te staen(e) van tgene des met rechte d(air)aff verloren/ wordde inde selve costen en(de) oic in derflich(eit) vanden mudde/ corens erffpachts voirs(creven) d(er) pointe(n) hier nae bescreve(n) die zij/ elc ande(re)n gelooft hebben te voldoene en(de) tonderhoude(n) En(de)/ yerst dat de(n) voirs(creven) pet(ere)n voir alle tgene des van costen laste(n) / p(ri)ncipalen voirs(creven) en(de) des dair aen cleeft uut saken vanden voirs(creven)/ gedinge gespruyt den voirs(creven) gebruede(re)n potent en(de) hue(re)r de/ sust(er) voir deen derdendeel ja(n)ne van kiexhe(m) [kiesekem] en(de) sijne(n) twee/ suste(re)n voir dand(er) derdel en(de) janne van bierbeke voir tderde/ ten laste soude moege(n) come(n) gegeve(n) en(de) betailt sullen wordde(n)/ bynne(n) eend(er) maent naiscomen(de) xxi r(inssche) gul(den) te lx pl(a)c(ken) tstuc/ te weten(e) bijden voirs(creven) twee gebruede(re)n van hen en(de) hue(r) sust(er)/ deen derdel te weten(e) de vii r(inssche) gul(den) d(air)aff en(de) bijden voirs(creven)/ janne va(n) kiesekem tderdel vanden ii[te(n)] derdendeele sond(er)/ dat dese p(ar)tien voird(er) hieraff gelast sullen sijn en(de) oft jans/ van kyesekems sust(er)s dander ii deele vande(n) derdendeele oft/ oic de voirs(creven) van bierbeke sijn derdel niet voldoen en/ wouden soe blijft de voirs(creven) pet(er) haveloos op sijn beloop va(n)/ rechte ende hier mede sullen de voirs(creven) ii en(de) derde partie/ allessins van des voirs(creven) steet ongelast en(de) quijt sijn en(de) blive(n)/ nae den onderscheide voirs(creven) cor(am) boxhoren tybe julii/ xxiii