Item henrick vanden veken(e) zone wijle(n) jans wonen(de) tsint/ aechten rode heeft genome(n) ende bekint genome(n) te hebben/ van lijsbetten weduwe cornelijs wijle(n) coelve(re) thof der selver/ weduwe(n) ter wolfshage(n) gelegen met den woenhuyse(n) schue(re)n/ stallen boegaerden wate(re)n wynnen(de) landen bempde(n) en(de) eeussele(n)/ dair toebehoiren(de) en(de) met der helcht wi(n)ni(n)gen va(n) eene(n) be(m)pde/ d(air)aff de helicht vande(n) hoeye als dat volwonne(n) es den/ voirs(creven) wynne sonder zijne(n) cost inde schue(re) vand(en) voirs(creven) hove/ gebracht sal worden en(de) alle(n) ande(re)n zijne(n) toebehoirte(n)/ uuytgesceyden de poirte dewelke de voirs(creven) weduwe voir huer/ selfs gebruycken houde(n) sal te houden te hebben en(de) te wy(n)ne(n)/ van half m(er)te meye naestcomen(de) eene(n) t(er)mijn van xii jairen/ lanck deen nae dander sonder middel volgen(de) elx jairs/ d(air)enbynne(n) voir en(de) om eene(n)twintich mudden rogs goet ende/ payabel met wa(n)ne en(de) vlogele(n) wel bereyt der mate(n) va(n)/ loven(e) te leve(re)n der voirs(creven) weduwe(n) te loven(e) alle ja(r)e ts(in)te/ andr(ies)misse apostels quol(ibet) ass(ecutu)[m] ende voirts om twintich/ clinckarts te xiiii stuv(er)s tstuck iii pl(a)c(ken) pro st(ufero) oft thien/ mudde(n) rox d(air)voe(r) dat den selve(n) wy(n)ne gelieve(n) sal te betale(n)/ ten voirs(creven) sinte andr(ies)misse en(de) te leve(re)n als vo(r)e Item/ selen de voirs(creven) weduwe en(de) wy(n)ne te gelijcke deylen/ alle dooft jairlix den voirs(creven) t(er)mij(n) due(re)nde opte voirs(creven) goede/ wassen(de) ende selen dat te gelijcken coste ter eerden leve(re)n/ mair de wy(n)ne sal den lezers den montcost geve(n) en(de) dat/ gedeylt zijnde saelt de wy(n)ne op zijne(n) cost der voirscr(even)/ weduwe(n) te loeven(e) leve(re)n en(de) de wy(n)ne en(de) die met hem/ come(n) om hulpe(n) selen alsdan va(n) huer den montcost hebbe(n)/ Item sal de wynne de voirs(creven) wynnen(de) lande jairlix den/ voirs(creven) t(er)mij(n) due(re)nde moete(n) wynne(n) werve(n) mesten en(de) besayen/ wel en(de) loflijck gelijck wel wy(n)nen(de) reengenote(n) bove(n) en(de) bened(en)/ en(de) die alsoe laten tsijne(n) afsceyden(e) te weten den wint(er)aert/ op zij(n) vie(r) getidege vo(r)en met goede(n) wynt(er)coirne besayt en(de)
//
den zom(er)art zoe v(er)re het hav(er)neel oft even(e) es oick/ met goeden zade besayt op twee getidege vore(n) en(de)/ de gherste op drie getidege vore(n) en(de) de brake eens/ o(m)megedaen Item sal de voirs(creven) wy(n)ne jairlix int voirs(creven)/ hof leve(re)n xxxii mandelen walms om de huysinge(n) ald(air)/ mede te decken(e) en(de) soe wes men voirts va(n) leeme latte(n)/ vitselroeden dackroeden theene ty(m)merhoute oft and(er)ssins/ tot r(e)p(ar)acien d(er) selver huysinge(n) behoeve(n) sal dat sal de/ wynne schuldich zij(n) te hale(n) dair he(m) de wed(uwe) dat/ wijse(n) sal va(n) welker r(e)p(ar)acien de voirs(creven) wed(uwe) de(n) werclied(en)/ de dachue(re)n geve(n) sal en(de) de voirs(creven) wy(n)ne den montcost/ zoe v(er)re de selve rep(ar)acie den leemene(n) wande(n) en(de) strolen(en)/ daken aengaet en(de) niet voirde(r) Item sal de voirs(creven) wy(n)ne/ allet stroo vand(en) voirs(creven) goeden comen(de) bove(n) de voirs(creven) xxxii/ mandelen jairlix den voirs(creven) t(er)mij(n) due(re)nde int voirs(creven) hof bri(n)g(en)/ en(de) te meste beke(re)n en(de) dat vue(re)n opte voirs(creven) lande also/ wel opte verste als opte naiste tslants meeste(n) prouffite/ Item sal de wy(n)ne d(er) voirs(creven) weduwe(n) en(de) nyema(n)de and(er)s/ t(er) helcht houde(n) en(de) vuede(n) drie vie(re)ndeel scape dewelke/ de weduwe hem leve(re)n sal en(de) tvoirs(creven) hof behoirlijck/ drage(n) sal mach en(de) zoe v(er)re datse de wy(n)ne va(n) he(m)/ selve(n) houden woude dat sal hij moege(n) doe(n) behalve(n) dat/ hij dat der weduwe(n) condigen sal een jair te vo(r)en/ ende oftse de wed(uwe) levert soe salmense over and(er) jair/ in gewoenlijck(er) manie(re)n deylen Item sal de wynne/ moege(n) afhouwen alle v(er)droechde boome opte voirscr(even)/ goede staende behoudelijck dat hij voir elk(en) v(er)droechd(en)/ boom sal moeten planten twee poote(n) va(n) gelijcke(n) zape/ en(de) die wel en(de) loflijck verdoirne(n) tege(n) die beeste(n) drie/ jair lang ende oft der weduwen meer poote(n) geliefde/ geplant te hebbe(n) soe sal zij die coope(n) en(de) de wy(n)ne salse
//
halen planten ende verdoernen als vo(r)e Item sal de voirs(creven)/ wynne jairlijx moegen truncken alle willigen en(de) ande(re)/ truncboome opte voirs(creven) goede staen(de) als die tijtveerdich/ zijn en(de) hij sal de voirs(creven) lande en(de) bempde jairlix wel/ en(de) loflijck bevreden en(de) die alsoe tsijne afsceyde(n) bevreedt/ late(n) Item sal de weduwe doen visite(re)n de bempde en(de) eeussele(n)/ en(de) soe v(er)re die met openi(n)gen va(n) grechte(n) slippe(n) oft wat(er)loepen/ te bete(re)n ware(n) dat sal de wy(n)ne op zijne(n) cost doen doen ende/ die alsoe late(n) tsijne(n) afsceyden Item sal de voirs(creven) wy(n)ne den/ bempt opde lane gelegen moege(n) roden op dat he(m) gelieft en(de)/ oft hijs niet en roedde so sal hij ten moete(n) houwe(n) ten behoirlijke(n)/ tijde It(em) oft int voirs(creven) hoff e(n)nich ongeval gesciedde en(de)/ dat toequame uuyt ocsuyne vand(en) voirs(creven) wy(n)ne oft zijnen/ huysgesinde dat sal de voirs(creven) wy(n)ne der voirs(creven) wed(uwen) oprichten/ Item sal de voirs(creven) wy(n)ne der voirs(creven) weduwe(n) buyten pacht dieme(n)/ huer d(air)omtrint sculdich es te loven(e) leve(re)n soe v(er)re de sculd(er)s/ dien int voirs(creven) hof leve(re)n It(em) sal de voirs(creven) wy(n)ne d(er) voirscr(even)/ wed(uwen) van loven(e) ten hovew(er)t hale(n) te(n) tijde als zij hue(re)n tsijs/ ald(air) opheft en(de) huer wed(er)om thuys vue(re)n en(de) huer noch d(air)toe/ doen twee corweyden vand(en) hove tot loven(e) soe v(er)re zijs behoeft/ Item sal de wy(n)ne tsvyschwat(er) ald(air) cuysgelijck houde(n) ende/ tproffijt d(air)aff hebben en(de) dat cuysch laten tsijne(n) afscheyden/ Item sal de voirscr(even) wy(n)ne de huysinge vand(en) voirs(creven) hove houd(en)/ vander und(er)ster rijkelen nederw(er)t op zijne(n) cost It(em) selen de/ wy(n)ne en(de) de weduwe va(n) malcande(re)n moege(n) scheyden te(n) halve(n)/ tijde behalve(n) dat de ghene die sceyde(n) sal wille(n) dat/ hij dat den ande(re)n een jair te vo(r)en segge(n) sal It(em) de wy(n)ne/ sal noch der weduwe(n) jairlijx leve(re)n xiii l(i)b(ra) vlas uuyt(er)/ zwingen cor(am) opp(endorp) tants aprilis xii