Tusschen janne va(n) beringen als p(ro)cur(eur) (christ)iaens meys t(er) eend(er)/ en(de) vrancken moens inden name va(n) zijnder dochter wed(uwe) jacops/ wijle(n) vander eycken t(er) ande(re) Nae dat acht(er)volgen(de) d(er) uuytsp(ra)k(en)/ tusschen hen geschiet ultima ja(nua)[rii] lestled(en) de voirs(creven) vrancke/ heeft geexhibert een beleyt d(aer)mede de voirs(creven) wile(n) jacop geleyt/ es nae des(er) stat recht tot alle(n) den goeden des voirs(creven) (christ)iaens/ voe(r) driederhanden so(m)men te weten(e) voir hond(er)t rinssche gul(den)/ xl crone(n) en(de) xl rijd(er)s welke brieve van hond(er)t r(inssche) guld(en)/ me(n) bevonden heeft doot en(de) te nyeute Ende insgelijx afgeq(ui)ten/ ende gelost aende gesuste(re)n brunets de ii rijders lijftochten/ voir dontheffen ende lossen vand(en) welk(en) den voirs(creven) jacoppe/ de voirscr(even) xl rijd(er)s ware(n) bekint alsoe dat tselve beleyt/ alleene ruste opde xl crone(n) bekint den selve(n) jacoppe als/ borge svoirs(creven) (christ)iaens voir ii cro(nen) lijfpen(sien) aen jouffr(ouwen) marie(n)/ vander calste(re)n die alsoe de voirs(creven) p(ro)cur(eur) (christ)iaens sustin(eer)t oick
//
meynt gelost te zijne Ende voirt nae dien dat hij bij/ copien van scepen(en) brieve(n) oft uuyt scepen(en) reg(ist)ren heeft/ doen blijcken dat (christ)iaen den voirscr(even) jacoppe gegoet/ heeft bij vergaderingen van tochte en(de) erve in tvie(re)ndeel d(er)/ twee huyse gelegen opde merct te loven(e) bij een Insgelijx/ int vie(re)ndeel vanden hove metten wi(n)nen(de) landen bempden/ eeusselen wate(re)n bosschen en(de) den toebehoirte(n) houden(de) xxxvi/ boende(re)n oft d(aer)omtrint te p(er)weys gelege(n) mette(n) chijse en(de)/ pachte dair toebehoiren(de) Insgelijx in tvie(re)ndeel va(n) xv/ boende(re)n lants te foul gelegen en(de) voirts vande(n) x lichte(n)/ crone(n) op thoff en(de) de goede jans de broucq te foul geleg(en)/ Dair inne de selve (christ)iaen weder der voirs(creven) wed(uwen) hue(r)/ tocht bekinde welke vie(re)ndeele he(m) doen toecome(n) ware(n)/ en(de) alsoe verschene(n) bijder voirscr(even) tocht(er)ssen doot v(er)schene(n)/ zijn Ter meyni(n)gen eve(n)v(er)re (christ)iaen ten lancsten bynne(n) zesse/ weken naden xiii dach novembr(is) a(n)ni lxxx alse de voirscr(even)/ guedingen gesciedden aen henricke de briede(r) va(n) libbeke soe/ vele niet en dade dat jacop gelost worde vand(en) ii rijders/ lijfpen(sien) met x ja(r)en acht(er)stels die de selve henr(ic) heeft op/ thoff te libbeke en(de) desgelijx vanden vii r(inssche) g(ulden) lijfpen(sien) mette(n)/ pachten van x ja(r)en verloopen die zeger op tselve hof/ gecregen hadde d(aer)voe(r) de voirscr(even) jacop te laste steet/ en(de) desgelijx vand(en) costen va(n) rechte gedragen(de) xvii(½) r(inssche) g(ulden)/ int bescudden vanden selve(n) goeden uuyt sake(n) d(er) rijd(er)s en(de)/ vii r(inssche) gul(den) lijfpen(sien) voirscr(even) soe te bruessele te loven(e) te/ libbeke soe elders tegen denise kerinx gesciet dat dan/ de selve jacop hem metten voirs(creven) guedingen tott(er) lossinghen/ voirscr(even) met allen costen die hij d(aer)om sal moege(n) doen naede/ doot der voirscr(even) jouffr(ouwen) va(n) orsmale opdes voirs(creven) (christ)iaens/ kintsgedeelte sal moegen behulpe(n) en(de) niet eer en(de) de lossinge/ gedaen zijnde sullen de guedinge(n) te nyeute doen zij(n) exhiberde/ noch eene cop(ie) van gelueften bij (christ)iaene jacoppe gedae(n) als
//
dat hij soe vele doen soude ter stont dat jacoppe(n) volge(n) soud(en)/ alsulke pande als jacop voir hem versecht heeft en(de) des/ soude jacop zijn recht voirts vervolgen op vranck(en) hermeys/ totter so(m)men va(n) xxxiii r(inssche) g(ulden) uuyt saken va(n) dien ii rijders/ lijfpen(sien) metten pachten va(n) ii(½) ja(r)en va(n) dien vier rijd(er)s lijfpen(sien)/ die de voirscr(even) (christ)iaen en(de) vranck als principale sculdich waren/ te weten(e) ii rijd(er)s aen goirden de kersmake(re) ii rijd(er)s aen lijsbette(n)/ ottema(n)s dair voe(r) jacop en(de) jan vanden broeke borge ware(n) en(de)/ diese met rigue(r) van rechte hadden moeten betalen mette(n) costen/ van rechte d(aer)op geloope(n) van welk(en) xxxiii r(inssche) g(ulden) bij jaccoppe(n)/ vercrege(n) zijnde de selve jacop zijne(n) brueder restitue(re)n soude ix/ rinssche guld(en) inde stat dat hij jacops juweele(n) te lombaerden/stae(n)de staen(de) lossen soude Oick soude (christ)iaen henr(icke) vand(en) beke/ betalen xi rinssche gul(den) en(de) xii stuv(er)s den gul(den) te xx st(uvers) d(aer)voe(r)/ jacop den voirscr(even) henr(icke) v(er)antwert heeft exhibeerde voirts eene/ cedulle van div(er)sen costen lasten ende uuytleggen(en) beyde vand(en)/ man van luxemborch en(de) and(er)s die vrancke meynde dat zij(n)der/ dochter quame(n) (et)c(etera) Es geappointeert dat de voirscr(even) van beringen/ cop(ie) sal moegen hebben tsijnder cost vand(en) effecte der voirscr(even)/ twee guedingen metten condicien en(de) gelueften voir scep(enen) gesciet/ en(de) d(aer)enboven vand(en) cedullen vand(en) costen lasten en(de) uuytleggen(en)/ meer bijden selve(n) vrancken gheexhibert om die gevisenteert d(aer)op/ de meyni(n)ge en(de) dwederleggen des voirscr(even) (christ)iaens aengehoirt tot/ eene(n) zeke(re)n dage d(aer)toe gelege(n) dair inne te geschien(e) des/ nae recht en(de) t(er) reden(en) sal moege(n) dienen en(de) behoiren totten welk(en)/ deselve van beringe(n) dach nam die hem vrancke bekinde op van/ heden ov(er) acht dagen en(de) bynne(n) dien middele(n) tijde sulle(n) p(ar)tien oick/ inder wairh(eit) v(er)tasten wes vand(en) rinten jouffr(ouwen) marien vand(er) calste(re)n/ dairop dbeleyt noch sprect wesen mach om d(aer)aff d(aer)entenden/ oick te geschien(e) soe behoiren sal In (con)s(ili)[o] op(idi) februar(ii) v[ta]