Tvo(n)nisse tusschen sacre le brung die als poirte(r) met brieve(n)/ vander stadt aen den meye(re) en(de) scepen(en) va(n) couroit hadde doen sluyte(n)/ de banck ald(air) vand(en) v(er)volge dat zander le fiz de jehan pirot en(de)/ een geheete(n) gosset hadde(n) doen doen opden selve(n) sacre soe hij seyde/ p(er)sonelic dwelc zij ontkinden en(de) seyden dat wair voir real sake/ aengaen(de) den molchte(r) vand(en) moelen die de voirs(creven) poirte() als molde(r)/ hielt namelijc dat hij zijn molste(r)vat soe groot hadde doen maken/ dair hij het xxiiii[te] vat plachte hebben(e) dat hij wel txii[te] hadde/ en(de) want hem die moelen d(air)op en(de) op ande(re) lasten was erflijc uutgeg(even)/ En(de) mits den selve(n) laste dat over de xxv oft xxx mudde(n) weert zijn/ mochte dair o(m)me te beter coop gegeven Te weten(e) om twee mudde(n)/ en(de) men niet bevi(n)den en soude dat zij p(er)so(n)nelijk p(ro)cedeerden al mochten/ zij hem de hande hebben doen doen vand(en) goeden en(de) he(m) dach bescheyden/ soe wa(r)e hue(r) actie nochtan real en(de) alsoe co(n)cludeerden zij totte(n) re(n)voye/ Den voirs(creven) poirte(r) de co(n)trarie sustine(re)nde versueken(de) dat zij hue(r) mechtich(eit)/ in desen vanden dorpe thoenden en(de) sculdich wa(r)en te thoenen(e) eer zij/ souden wordden geadmitteert en(de) seyde oic dat hem p(er)so(n)nelijc was/ dach gedaen en(de) op pene wair bij die sake niet en conste reael gesijn/ en(de) de ky(n)nisse sculdich wa(r)e alhier te bliven(e) met meer woirden in/ beyden zijden gealligeert Es gelieft den voirs(creven) zander en(de) gosset/ den voirs(creven) poirte(r) oft zijn goede p(er)so(n)nelijc yet te eysschen(e) dat zij dat/ sculdich selen zijn te doen(e) alhier inde banck en(de) oft zij realijc yet/ te eysschen(e) oft te volgen hebben d(air) af re(n)voye(re)n zij met hue(re)n vo(n)nisse/ de sake en(de) p(ar)tien inde banck dair dat behoirt in sca(m)pno m(ar)cii ix