It(em) jan van boxlair heeft bekint uutgegeve(n) te hebben(e) en(de) verhuert/ willem(me) p(ate)rnoster een stuck lants gelegen bute(n) de dorpstraetporte aen/ den drayboem dairmen te diest weert gaet tusschen pete(re)n yecke en(de)/ ja(n)ne gyntens briede(r) It(em) noch een stuck lants gelegen aen den/ moelenwech tusschen willem(me) p(ate)rn(oste)r op deene en(de) gorde busscop ter ande(r)/ zijden Te houden en(de) te hebben va(n) oeghst dat was a(n)no lxxx eene(n) t(er)mijn/ van x ja(r)en lang deen nae dande(r) v(er)volgen(de) om en(de) voe(r) eene seke(re) so(m)me/ van pe(n)ni(n)gen die de selve boxlair va(n)d(en) selven willem(me) bekint gereet/ ontfangen te hebben(e) en(de) wel betaelt te zijne vand(en) geheelen t(er)mijne/ Met condicien dat de voirs(creven) jan va(n) boxlair alle ja(r)e dragen sal den chijs/ en(de) co(m)mer dair uitgaen(de) alsoe in tijts dat willem dairbij gheen scade/ en lijde It(em) sal de voirs(creven) willem de voirs(creven) lande wy(n)nen werven en(de)/ mesten wel en(de) loflijc gelijc reeng(enoten) bove(n) en(de) beneden en(de) bloot laten/ soe hij dat ae(n)veert heeft cor(am) opp(endorp) buetsele febr(uarii) xxv