Cfr V484.2/ It(em) machtelt maes weduwe thomaes wilen de lantmete(re) cu(m) tuto(r)e/ ter eender zijden en(de) cornielijs vand(en) borchoven en(de) katlijne vanden
//
hove zijn natuerl wijf natuerlijke dochter der voirs(creven) machtelden/ ter ande(re) sijn comen voir scepen(en) van loeven(e) hier nae bescr(even) kynnen(de)/ en(de) lijden(de) dat zij met malcande(re)n v(er)accordeert en(de) eenswordden/ zijn der pointen vorweerden en(de) condicien h(ier) nae verclaert die/ zij deen dande(re) gelooft hebben tonderhouden(e) te voldoene ende/ tachtervolgen voir hen en(de) hue(r) naecomeli(n)ge Ierst heeft de/ voirs(creven) machtelt terstont geresigneert getransporteert ende/ overgegeven en(de) mits desen resigneert transporteert en(de) gheeft/ over den voirs(creven) gehuysschen om erflijc taenveerden en(de) hue(re)n/ eygen(en) wille en(de) prouffijt dairmede te doen(e) alsulken huys/ oft woeni(n)ghe metten toebehoirte(n) staen(de) tsh(er)togen bossche/ in die kercstrate tusschen de goede jans blicmans ter eender/ en(de) adriane va(n) mulsen ter ande(re) met oic alle alsulker haven/ en(de) huysrade als dair inne es en(de) alsoet dair es en(de) den profijte(n)/ d(air)af gecomen op alsulken co(m)mer als dair uut gheet En(de) dat/ de voirs(creven) cornielijs dit huys mette(n) toebehoirten en(de) oic metter/ haven sal moegen v(er)coepen terstont en(de) te proufijte bringhen/ en(de) die pe(n)ni(n)ge d(air)af comen(de) te beke(re)n in rinten oft soe he(m) dat/ sal gelieven It(em) heeft insgelijcx de selve machtelt den selve(n)/ gehuysschen getransporteert en(de) overgegeven transporteert/ en(de) overgheeft ierst nae der selver machtelden doot tae(n)veerden/ en(de) tot hue(re)n prope(re)n proffijte en(de) wille te beke(re)n allet die goede/ have oft erve hoedanich die zijn die nae huer doot bliven sullen/ te wat plaetsen die bevo(n)den mochten worden v(er)cregen oft/ te v(er)crigen Item en(de) dat de voirs(creven) machtelt soe dat ierst moegelijc/ sal zijn den voirs(creven) gehuysschen vand(er) voirs(creven) goeden te bossche gelegen/ sulken guedi(n)ge vestich(eit) en(de) transport doen sal en(de) voir behoirlike/ gerichten dat dat den selven gehuysschen genoech sal moege(n)/ wesen ende ter ande(r) zijden zelen de selve gehuysschen en(de) de/ langstleven(de) van hen in reco(m)pense van desen en(de) oic om godswille/ de selve machtelt huer leefdage lang temelijc houden en(de)/ versien van eten en(de) drincken(en) en(de) anders des zij behoeft En(de) oft/ zij beyde voir machtelden aflivich wordden soe souden de ae(n)veerd(er)s/ van huer(er) beyder goede gehouden zijn dat alsoe te voldoen(e) d(air)inne/ verbinden(de) en(de) verobligeren(de) alle hue(r) goede pr(esen)cia et futu(r)a En(de) oft/ d(air)inne gebreck viele soe hebben de selve gehuysschen voir alsnu/ voir alsdan der selver machtelden in die(n) stat van dien geordineert/ en(de) mits desen ordine(re)n en(de) maken te wesen tochtersse van allen den/ goeden have en(de) erve die nae den langsteleven(de) van hen bliven/ sullen cor(am) roelofs hoelair januarii iii