Op heden zijn geco(m)pareert voe(r) den raide vand(er) stadt lodewijc/ cobbelgiers ter eender en(de) henrick de hollande(re) ter ande(r) zijden aldair/ de selve lodewijc achtervolgen(de) seke(re)n voirgaen(de) t(er)mi(n)acien ende/ claernissen vander daet januarii vi en(de) maii quarta beyde libro lxxx/ lestleden versocht dat henr(ick) de hollande(re) bedwongen worde costeloes/ af te doen(e) alsulken v(er)volch als tzijnder instancien en(de) toedoen(e) van hem/ was gedaen bijden fiscael te luydick in co(n)trarien van des(er) stadt en(de)/ den lantrechte en(de) te impetre(re)n dair op brieve van volcomen(en)/ absolucien sonder e(n)nige t(er)mijne oft tijde d(air)inne gestelt te wordden(e)/ mair he(m) dienen(de) altijt voir den toecomen(de) tijt hopen(de) dat dat alsoe/ behoirde en(de) dat de voirs(creven) henr(ick) naevolgen(de) den selven t(er)mi(n)acien/ en(de) claernissen niet sculdich en was te gestane met alsulker/ absolucien als hij alleene den t(er)mijn va(n) vier maenden mocht/ hebben voir hem geimpetreert hem des gedragen(de) totte(n) rechte/ Dair tegen de voirs(creven) henr(ick) seyde dat hem niet moegelijc en/ wa(r)e die anders bezund(er) sonder behulp vand(er) stadt te co(n)nen impetre(re)n/ bege(re)nde dat de stadt dair toe yeman(de) tsijne(n) coste woude schicken/ oft dat de voirs(creven) lodewijc die selve v(er)volchde hij woude de costen/ betalen hopen(de) d(air)mede te gestane Es uuytgesproken ae(n)gehoirt/ de voirs(creven) t(er)mi(n)acien en(de) claernissen dat de voirs(creven) henr(ick) gehouden/ sal zijn soe vele te doen(e) dat de voirs(creven) lodewijc hebbe volcomen/ absolucie(n) voe(r) den toecomen(de) tijt sonder dair inne e(n)nige exepcien/ oft termijne(n) i gestelt te wordden in co(n)silio opidi p(rese)ntib[(us)] abs(oloens) burg(imagistr)[o]/ roelofs buetsele hoelair scab(inis) et plu(r)ib[(us)] aliis de co(n)silio febr(uarii) viii