Achtervolgen(de) der uutspraken geschiet voir scepen(en) van loeven(e)/ februarii quarta lestleden bij jacoppe vander biest willem(me) de/ draye(re) willem(me) va(n) bruessele en(de) willem(me) de boyse(re) tusschen henr(icke)/ va(n) heelen ter eender en(de) henr(icke) crabbe ter ande(r) zijden en(de) der clausulen/ dair inne begrepen d(air)mede de voirs(creven) henr(ick) crabbe gestelt was op/ zijne(n) thoen van eene(n) pointe aldair begrepen als dat de voirs(creven)/ van heelen te vreden soude hebben geweest dat hij vand(en) halster/ corens de weeke van s(in)t jansmisse tot kersmisse beyde lestleden/ voir tvie(re)ndeel va(n) tghene des de twee p(er)de inde aamoelen dien/ tijt due(re)nde gewonnen souden hebben niet hebben en soude (et)c(etera)/ Hebben de selve seggers ae(n)gehoirt tgetuygenisse dat de voirs(creven)/ crabbe d(air)inne heeft geleyt d(air)inne hij zijns v(er)meets niet en/ volquam en(de) alsoe hue(r) uutsprake en(de) claernisse d(air)inne gedaen/ alse dat de selve crabbe gehouden sal zijn den selve(n) van heelen/ tselve halster alle weeken van dien halven ja(r)e goet te doen(e)/ en(de) te betalen(e) Behalven dat den voirs(creven) crabbe d(air)aen gecort sal wordde(n)/ den rechtveerdige(n) prijs ter deughdeliker esti(m)acien vand(en) vie(re)ndeele/ vand(en) ii p(er)den die de voirs(creven) henr(ick) crabbe dien tijt due(re)nde inde/ selve moelen gehadt heeft en(de) alnoch heeft en(de) dat den selve(n)/ crabbe oic dair aen gecort sal wordden ter redeliker taxacie(n)/ tvie(re)ndeel va(n) tghene des de selve twee p(er)den dien tijt due(re)nde
//
v(er)teert hebben in hoeye en(de) anderssins des uute(n) moelen vand(en)/ gemeyne(n) niet gegaen noch genomen en es en(de) oic tvie(re)ndeel va(n)/ des de voirs(creven) crabbe anders aen de selve p(er)de en(de) des dien ae(n)cleeft/ vand(en) gemeyne(n) prouffijte(n) niet gecomen uutgeleecht heeft/ behalve(n) der p(ri)ncipaelder uutspraken voirs(creven) anderssins in hue(re)r/ macht cor(am) roelants buetsele febr(uarii) vi