Tvo(n)nisse tusschen woute(re)n haveloes ae(n)legge(r) tegen ja(n)ne reynkens/ verweerde(r) van vier mudden corens die wouter hem yesch myn/ thien molevate die hij d(air)op kinde gehaven te hebben(e) dair tegen/ jan he(m) hadde geopponeert sustine(re)nde dat die comescap doot wa(r)e/ mits der ordinan(cie) mits dat wouter noch vele meer core(n)s elder/ hadde wel tot xiiii mudden toe en(de) alsoe meer dan hijs behoefde voir/ zijn slijten dair tegen wouter de co(n)trarie onder den ande(re)n dede seggen/ dat hem die zijnder sester mere was en(de) alle weken wel een sister/ behoefde vand(er) xiiii mudden al waert soe niet ove(re)n en soude Es/ gewijst waer de voirs(creven) wouter den eedt dade dat hij dat voir/ zijns selfs slijten hadde gecocht dat hem dat volgen soude en(de)/ dat de voirs(creven) jan gehouden soude sijn hem tgebreck van dien te/ voldoen(e) in sca(m)pno januarii xxii