Allen den ghenen die dese l(ette)ren zullen zien oft horen/ lesen ende besunder den eerbae(re) en(de) wisen onsen lieven/ gemi(n)den vrienden co(m)moengemeeste(re)n scepen(en) en(de) raide der/ stat van mechelen burgermeeste(re)n scepen(en) en(de) raide/ der stat van loven(e) saluyt doen cont en(de) te weten/ dat opden dach datum van desen voir ons comen en(de)/ gestaen is katlijne van hofstaden dochter wilen wout(er)s
//
met hue(re)n besette(n) momboir en(de) heeft geconstitueert gesedt/ volcomen macht procuracie en(de) auctoriteit gegeven/ daneele smachts clause scrijbaens en(de) meester ja(n)ne/ lobbe secretaris d(er) stat van loven(e) oft den eene(n) van he(n)/ bringher van desen te manen teysschen opteboren en(de)/ tonfangen alsulken vijftich s(cellingen) oudergroete [tornoese] tsairs? te/ weten(e) xxxiii groete braban(ts) ghelts alsulk als ten/ termijnen van betalingen cours ende ganc in brabant oft/ inde vors(creven) stat van mechelen hebben zullen voir elcken/ s(celling) gerekent dair af de thien vallen te ii t(er)mijnen/ te weten(e) deen helicht xi v in julio en(de) dand(er)/ helicht jan(uario) v dand(er) x te weten(e) deen helicht/ xxiiii in merte en(de) dand(er) xxiiii septembr(is) dand(er)/ thien deen helicht xxiiii januarii en(de) dand(er) helicht/ xxiiii in julio en(de) dand(er) xx deen helicht/ xxii dach in februar(io) en(de) dand(er) helicht opden xxii/ dach van augusto gelijc van allen desen die brieve/ d(air) af zijnde beseghelt metten zeghel ten saken/ d(er) vors(creven) stat van mechelen uutwisen en(de) begrypen/ Welcke rente van vijftich s(cellingen) gr(oete) tornoesse lijfrente(n)/ vors(creven) de vors(creven) ka(tlij)[ne] thue(re)n live opde vors(creven) stat/ van mechelen heeft ten vors(creven) t(er)mijnen vallende/ dair af quitancie te gheven en(de) vorts te doene/ allet ghene des de vors(creven) ka(tlij)[ne] selve soude mogen/ doen P(ro)mitt(ens) ratu(m) salvo iusto calculo eisd(em) feb(ruarii) iii