Na dat op hede(n) voir de(n) rade vand(er) stad q(ue)stie is geweest/ tussce(n) jan va(n) beert en(de) gheldof vand(er) lynde(n) inde(n) name va(n)/ geldoff vande(n) scelve in deen en(de) de gedeput(eer)de va(n) hale(n) t(er)/ ande(r) zijde(n) om de restitucie(n) wille va(n) gelde dat de bedesett(er)s va(n)/ halen gevuert hadde(n) uut ocsuyne vand(er) bede(n) vande(n) goede(n) des/ voirs(creven) vande(n) schelve tonrechte also de voirs(creven) aenleggers meynde(n)/ bij dien dat de selve weynich oft gheen goede en hadde v(er)looft/ oft jege(n) onvry p(er)sone gecrege(n) zijnde en(de) oec aengesien dat/ hij de(n) t(er)mij(n) vand(er) voirs(creven) bede(n) en(de) lange te vo(r)en te loeven(e) hadde/ gewoent So es te(n) ut(er)ste(n) bij ov(er)geve(n) va(n) p(ar)tie(n) in beyde(n) zijde(n) d(aer) af/ geappointeert dat de voirs(creven) aenlegg(er)s vand(er) voirs(creven) restitucie(n) te vrede(n)/ sullen zijn en(de) dat de voirs(creven) va(n) halen ongehoude(n) sele(n) zijn van dien zo v(er)re/ zij dat hebbe(n) gehave(n) zijder d(er) t(er)mi(n)acie(n) d(aer) af gelope(n) en(de) dat de voirs(creven)/ vande(n) schelve ongehoude(n) sal blive(n) va(n) e(n)nige(n) alle(n) zijne(n) goede(n) de(n) t(er)mij(n) va(n) des(en)/ bede(n) dueren(de) yet te ghelde(n) Act(um) in ple(n)o (con)silio m(ar)cii xviii